Saturday, August 28, 2010

အသဲခွဲမဟာရာဇာရှင်းတမ်း

(spade King ကို google ကရပါတယ်)

ကိုကြီးကျောက်ကို အသဲခွဲတတ်သူကြီးရယ်လို့ အချို့က ထင်ြမင်ယူဆကြပေမဲ့ တကယ်တန်းကြ ဗေထိ..ဆိုရင် ကွဲရတာက ကိုကြီးကျောက်ပါ၊ ဒါပေမဲ့ ကိုကြီးကျောက်တသက်မှာ တဦးတယောက်သောသူမှာဖြင့် ကိုကြီးကျောက်ကြောင့် အသဲကွဲရှာလေတယ်လို့ စိတ်မကောင်းဖြစ်ခဲ့ရဖူးတာပေါ့၊ ဝဋ်မှာအမြဲဆိုသလိုပါပဲ ခု..ကိုကြီးကျောက်အသဲကိုခွဲမဲ့သူတယောက် ပေါ်လာပါပြီ၊ သူက.....ဒေါက်တာFirozvi တဲ့၊ ဆရာဝန်မလေးတော့ မဟုတ်ဘူးပေါ့၊ နှုတ်ခမ်းမွှေးနဲ့ အီဂျစ်နွယ်ဖွား အသဲအထူးကု ဆရာဝန်ကြီးပေါ့၊ ကိုကြီးကျောက်ရဲ့ ကင်ဆာဖြစ်စပြုနေပြီဖြစ်တဲ့ အပိုင်းကို ခွဲစိတ်လှီးဖြတ်ထုတ်ပစ်ရမှာပေါ့လေ၊ Maryland University Hospital မှာခွဲစိတ်ဖို့ ဘယ်နေ့ဆိုတာ appointment ယူရမှာပါ့၊


ကိုင်း......ကိုကြီးကျောက်အသဲခွဲခဲ့ဖူးတယ်ဆိုတဲ့ အကြောင်းစကြစို့လား၊ ကိုကြီးကျောက်ဘဓရမှာ အလုပ်လုပ်နေတုန်းက field ဆင်းရင်းရည်းစားတယောက်ရခဲ့ရတယ်၊ သူက မန္တလေး အလက(၄) က ဆရာမလေး၊ ကိုကြီးကျောက်ထက် ၆ နှစ်လောက်ငယ်တယ်၊ အဲဒီခေတ်က သမီးရဲ့ဦးခေတ် ဆိုတော့ တယောက်နဲ့တယောက် ဦး..လို့ခေါ်လိုက်၊ သမီး..လို့ ခေါ်လိုက် အချစ်ဒီရေတွေတက်နေကြတာပေါ့၊ ခုခေတ်ကတော့ သမီးနဲ့ဘဘခေတ် ထင်ပါရဲ့..၊


ကိုကြီးကျောက်အမေရိကကို ရောက်တော့ ကိုကြီးကျောက်ကို သမီး...သမီး..နဲ့ ပြောလာကြသူတွေရှိသေးသဗျ၊ ဆယ်ကျော်သက်လေးက ပြောတာကတော့နားထောင်လို့ကောင်းပေမဲ့ အရွယ်တော်တဆိတ်ဟိုင်းတဲ့ အစိတ်ကျော်၃၀ပိုင်းအပျိုဟိုင်းကြီးတွေက လာပြောရင်ဖြင့် တယ်နားထောင်ရတာ မကောင်းပါဘူး၊ သူတို့အရွယ်က သမီးအရွယ်မဟုတ်လေပဲ အမေအရွယ်တွေဖြစ်ကုန်ကြပြီလေ..၊ ကိုကြီးကျောက်ကတော့ သူတို့က သမီးကလေ..သမီးလေ..လာပြောရင် နားထောင်နေလိုက်ပြီး အားတက်သရော အဖေကလေ...အဖေကလေ...နဲ့ ပြန်ပြောတော့ ဘယ်လိုဘိုးတော်ပါလိမ့် ဆိုတဲ့သဘောနဲ့ ပြန်ကြည့်ပြီး ကိုကြီးကျောက်ကို စကားဆက်မပြောကြတော့ဘူးဗျ၊ အင်း..သူတို့က သမီးလို့ပြောမှတော့ ကိုယ်ကလဲအဖေထက်လျှော့လို့တော့မဖြစ်ဖူးလေ၊


တခါတလေကြတော့ အသက် ၅၀ ဝန်းကျင်အပျိုကြီးမမများကလဲ ကိုကြီးကျောက်နဲ့တွေ့ရင် ငယ်မူငယ်သွေးတွေပြန်ပြီး သမီးက...သမီးကနဲ့ ပြောသေးသဗျား၊ သူတို့ကိုတော့ ကိုကြီးကျောက်က သာသာထိုးထိုးကြီးကို အန်တီတွေခေါ်ပစ်ပြီး....သမက်ကလေ....သမက်ကလေ....နဲ့ပြောတော့ နှုတ်ခမ်းတွေစူပြီး မျက်စောင်းတွေ ထိုးသေးသဗျ၊ ကိုယ်ချစ်သူကိုတော့ ဘယ်လိုခေါ်ခေါ်အကြောင်းတော့ မဟုတ်ပါဘူး၊ ကိုကြီးကျောက်သူငယ်ချင်းတယောက်ဆို ဘေဘီလေး...ဘေဘီလေးနဲ့ ခေါ်လို့ သူ့မြေးကိုခေါ်တယ်တယ်ထင်နေတာ ဘယ်ဟုတ်လိမ့်မှာတုန်း၊ သူ့မိန်းမ သွေးဆုံးနေတဲ့ မဆင်မ ကိုခေါ်နေတာကိုး.....၊


ကိုယ့်ချစ်သူကဘယ်လိုခေါ်ခေါ် မ သဘာဝကျေနပ်ကြပေမဲ့ တစိမ်းတရံစာကခေါ်တာမျိုးကြ လက်မခံတတ်ဘူးဗျ၊ ကိုကြီးကျောက်တို့ငယ်ငယ်က အရပ်ထဲမှာ ဒေါ်အေး ဆိုတာရှိတယ်၊ ဝဝဖိုင့်ဖိုင့်နဲ့၊ အရပ်ထဲက ကာလသား ဦးလေးသန်းတို့က သူ့ကို.. ဂျူးလီးယက်လို့ခေါ်ရင် ပျစ်ပျစ်နှစ်နှစ်ဆဲသဗျ၊ ကိုကြီးကျောက်ကတော့ ဟင်...သူ့ပုံကြီးကိုဂျူးလီးယက်လို့ ခေါ်တာဆဲစရာလားပေါ့၊ နားကိုမလည်ဘူး၊ ဒါနဲ့ ဦးလေးသန်းကိုမေးတော့ ဦးလေးသန်းက မင်း..သူ့ယောင်္ကျား ဦးစိန်ကြီးကို သိတယ်မို့လားတဲ့၊ သူက ဂျူး ကွတဲ့၊ ဒေါ်အေးယောင်္ကျား ဦးစိန်ကြီးက အင်္ဂလိပ်ခေတ်ကထဲက ဗမာပြည်ကိုရောက်နေတာ၊ ဗမာရည်ကလဲလည်လိုက်ပုံများက မသိသူများက ဂျူးလို့တောင်မထင်ရဘူး၊ ကုလားဆင် ဖြူဖြူအဖိုးကြီးပဲပေါ့၊ ကဲ.....ယောင်္ကျားကဂျူးမို့ ဒေါ်အေးကို..ဂျူးလီးယက်...လို့ခေါ်တာဘာဆိုင်လဲတော့ ကိုကြီးကျောက်ငယ်ငယ်က မသိတာအမှန်၊


အင်း...သူများအကြောင်းတွေထားတော့ ကိုယ့်အကြောင်းပဲပြောတာကောင်းပါတယ်၊ ကိုကြီးကျောက်ရဲ့မီးလေး ဆရာမလေးကမိဘနှစ်ပါး မရှိရှာတော့ဘူး၊ အမဝမ်းကွဲအိမ်မှာ နေရတယ်၊ သူကကိုကြီးကျောက်ကိုလက်ထပ်ဖို့ပူဆာနေပြီ၊ ကိုကြီးကျောက်ကလဲ နေရေးထိုင်ရေး စားရေးသောက်ရေးကအစ အစစ စဉ်းစားနေပြီ၊မဆလခေတ်က ကိုကြီးကျောက်လစာက ၄၀၀ ကျော်၊ သူ့လစာက၂၀၀ကျော်၊ မန္တလေးမြို့ကြီးမှာအိမ်ငှားနေဖို့ဆိုတော့......မလွယ်ပါလား၊ သူ့ကိုမြင်းခြံမှာပြောင်းခိုင်းရင်တော့ နေစားရိတ်သက်သာပေမဲ့ ကိုကြီးကျောက် field ဆင်းနေရင် ချွေးမနဲ့ယောက္ခမဆိုတာက အဆင်ပြေနိုင်ပါ့မလား....၊ အများကြီးစဉ်းစားရတာပေါ့၊


သူကလဲ မန္တလေးမှာပဲနေချင်၊ ဒါပေမဲ့လဲလက်ထပ်ဖို့ကိုလဲ ပူဆာနေ၊ ကလေးများ မုန့်ပူဆာသလို တခုနှစ်ခုနဲ့ အားမရပဲ အဝစားချင်တာလိုမျိုး၊ ဒါနဲ့စကားတွေများကြရင်း ကိုကြီးကျောက်က မင်းကိုမယူတော့ဘူးကွာ လမ်းခွဲပြီဆိုတော့ ချုန်းပွဲချငိုရှာတယ်၊ ကိုကြီးကျောက်လဲ ဒီလိုပြောလို့သာပြောတာ သူ့အသဲကိုခွဲမိပြီလားလို့ တော်တော်စိတ်မကောင်းဖြစ်မိတယ်၊ ကိုကြီးကျောက်စင်ကာပူကို ထွက်ခါနီးတော့ သူကဆက်သွယ်လာတယ် သူ့ဖက်က ကိုကြီးကျောက်စိတ်ကြိုက်အားလုံးအလျှော့ပေးပါတယ်တဲ့၊ ဒါပေမဲ့ ကိုကြီးကျောက်ကတော့ စာပြန်လိုက်ပါတယ်၊ စင်ကာပူမှာဘယ်လိုရုန်းကန်ရမယ်ဆိုတာလဲမသိ၊ ဘယ်လောက်ကြာမယ်ဆိုတာလဲမသိတော့ ကိုကြီးကျောက်ကိုစောင့်မနေပဲ အရွယ်ရှိတုန်းသင့်တော်မဲ့ သူနဲ့လက်ထပ်ဖို့ပဲ ပြန်ရေးလိုက်တော့တာပါပဲ၊ အမယ်....သူကလဲ ကိုကြီးကျောက်ပြောတာကို တသွေမတိမ်းလိုက်နာသဗျ၊ ကိုကြီးကျောက်ဗမာပြည်ပြန်တုန်း ပြန်တွေ့ကြတော့ ကလေးနှစ်ယောက်တောင်ရနေပြီ၊


ကိုင်း.....ကိုကြီးကျောက်က အသဲခွဲခဲ့တာ တသက်မှာတယောက်ရှိခဲ့ဖူးလို့ ကိုကြီးကျောက်အသဲကိုလဲရှေ့လာမဲ့အပတ်ထဲမှာ အခွဲခံရတော့မယ်၊ ကိုကြီးကျောက်စာရေးတာ (၃)ပတ်လောက်တော့နားမယ်စိတ်ကူးတယ်၊ ကျန်းမာရေးပြန်ပြီး recover ဖြစ်တဲ့အပေါ်မူတည်တာပေါ့လေ၊ ကိုကြီးကျောက်အတွက်စိတ်ပူကြလို့ ဖုန်းတွေဆက်ကြတာ ကိုကြီးကျောက်အတွက်ပြောရတာမပင်ပန်းတဲ့အပြင် အားတောင်ပိုရှိလာသေးလို့ ပြောပါရစေ၊ ဟိုတနေ့က ကိုကြီးကျောက်ဆီကို ၈၇၅ ၉၅၃၃ နဲ့ ဆက်လာတဲ့ ဖိလစ်ပိုင်က နှမတယောက်ကို ကိုကြီးကျောက်ဆီ ဖုန်းမှားဆက်တတ်တဲ့ စပိန်စကားပြော လက်တင်အမေရိက နိုင်ငံတခုက အမျိုးသမီးတယောက်ရဲ့ ဖုန်းလို့ထင်လို့ ဘိုလိုဆဲလိုက်တာ လူမမာသံတောင်မထင်ရဘူး၊ ကဲ..ငါ့နှမရေ.....အားလဲနာတယ် ခင်လဲခင်တယ်နော်...အဟဲ။


Saturday, August 21, 2010

ကင်ဆာနဲ့လင်ဆာ


ကိုကြီးကျောက်ကျန်းမာရေး မကောင်းဘူးဆိုတော့ ကိုကြီးကျောက်ကျန်းမာရေး အတွက်စိတ်ပူပန်ကြလို့ ကမ္ဘာအရပ်ရပ်က ၀ိုင်းဝန်းဆုတောင်းပေးကြ၊ မေတ္တာပို့ကြ၊ e mail တယ်လီဖုန်းဆက်ကြတဲ့၊ဘလော့ဂါ ညီငယ်နှမငယ်များ၊ ကိုကြီးကျောက်ရဲ့ စာဖတ်ပရိဿတ်များ၊ မိတ်ဆွေသင်္ဂဟများ အားလုံးကိုကျေးဇူးတင်ကြောင်းပြောပါရစေ၊ ဩဂုတ်လ ၂၃ ရက်နေ့မှာ လိုအပ်တဲ့စစ်ဆေးမှုတွေ ထပ်လုပ်ဦးမှာမို့ ဘာဆက်လုပ်မယ်ဆိုတာ အဲဒီနောက်မှသိပါလိမ့်မယ်၊ Texas ကဆေးရုံက ကင်ဆာဖြစ်နိုင်ခြေရှိတယ် ဆိုပေမဲ့ အခုရောက်နေတဲ့ Maryland ကဆေးရုံက အသေးစိတ် စစ်ဆေးနေဆဲပါ၊ ငွေကြေးလိုအပ်ရင်အကူအညီပေးနိုင်ဖို့ ကမ်းလှမ်းကြတဲ့ စင်ကာပူက ဘလော့ဂါနှမငယ်များ ကိုလဲ အထူးကျေးဇူးတင်ကြောင်းနဲ့ ကိုကြီးကျောက်အတွက် အားလုံးအဆင်ပြေကြောင်း၊ ခုချိန်မှာ ထူထူထောင်ထောင်နဲ့ ဆေးရုံထဲ လပ်ယားလပ်ယား လျှောက်သွားနေကြောင်း နောက်ဆုံးသတင်းပေးချင်ပါတယ်၊


ကဲ...ကိုကြီးကျောက်ကျန်းမာရေး မကောင်းလို့ အေးအေးဆေးဆေး နားနားနေနေ နေပါတယ်၊ ကိုကြီးကျောက်ကို စိတ်အနားမရစေဖို့ အကြောင်းတခုက ဖန်လာသဗျ၊ ကိုကြီးကျောက်ကို ပထမဆုံးစပြီး ဈေးဦးဖေါက်တာကတော့ ကိုကြီးကျောက်နဲ့ အလုပ်အတူလုပ်ခဲ့ဖူးတဲ့ ဗီယက်နမ်မပေါ့၊ သူက ကိုကြီးကျောက်ကို ပြောလာတာက ကိုကြီးကျောက်ကို သူ့ညီမကို ယူပါတဲ့၊ ဒေါ်လာ ၄သောင်းပေးပါမယ်တဲ့..၊ ဆိုင်ဂုံကိုသွားပြီး လက်ထပ်ရမှာတဲ့..၊ ဟယ်.....ဟန်ကြလိုက်လေ၊ အသက်ကြီးမှ ကံပေါ်တာပဲ၊ စုတ်ရော လာဘ်ရော ပွတာပဲ၊ ဒါပေမဲ့ သူက ပြောသဗျ... လူကိုထိလို့တော့မရဘူးတဲ့၊ လူထိရင်တော့ ပိုက်ဆံမရဘူးတဲ့၊ ကိုင်း...ရှိစေတော့ ငွေရလဲပြီးတာပါပဲလေ၊ ဒါပေမဲ့ ကိုကြီးကျောက်က စိတ်မကြေပွဲလေးတော့ မေးသေးသဗျ ၊ မင်းညီမက မင်းလိုရုပ်လားဆိုတော့ ဟုတ်တယ်တဲ့၊ အင်း....သူ့ရုပ်ကိုဒီတော့မှ စေ့စေ့စပ်စပ်ကြည့်မိတယ်၊ အမယ်.. သူ့ရုပ်က ကိုကြီးကျောက်တို့ငယ်ငယ်က ရုပ်ရှင်မင်းသမီး ဟာသမယ်မသန်းရွှေ ရုပ်မျိုးကို၊ ကဲ...နေပါစေတော့ ကိုကြီးကျောက်တော့ ဆားနဲ့စားတာကောင်းပါတယ်လေ၊


ဗီယက်နမ်မက လာပြီးစေ့စပ်တယ်ဆိုတော့ ဒို့ကိုယ့်ရွှေ သတ္တဘာဂပွဲစားများကလဲ နောက်ကျမကျန်ရအောင် လာပြီးစပ်ကြဟပ်ကြသေးသဗျ၊ ရုပ်ရှင်မင်းသမီးကြိုက်သလား၊ အဆိုတော်လား၊ မော်ဒယ်ဂဲလား ပေါ့လေ၊ မင်းသမီးတွေမော်ဒယ်တွေကတော့ သားအဖအရွယ်မို့ တယ် အဆင်မပြေလှပါဘူး၊ အဆိုတော်ကတော့ ကိုယ်ကလဲဖိုးဆိုချင် မိုက်ခဲဆိုတော့ အဆင်ပြေတာပေါ့၊ အဆိုတော်မလေး ယူပြီးကိုယ်ပါ အဆိုတော်လုပ်ဖို့ နာမည်တောင်ရွေးပြီးပြီ၊ ဗမာအဆိုတော်တွေကလဲ တိရစ္ဆာန်နာမည်တွေ ခေတ်စားနေကြပေသကိုး၊ ဆင်ပေါက်တဲ့၊ ကျားပေါက်တဲ့၊ ကြက်ဖတဲ့၊ ယုန်လေးတဲ့၊ ကြိုးကြာတဲ့၊ ဒါနဲ့..ကိုကြီးကျောက်တောင် ကျောက်နသိုး(နွားသိုး) လို့မှည့်တောင်ထားပေါ့၊ စိုးမြတ်လုံးတင်တောင် ကိုကြီးကျောက်ကို အားကျလို့ ဗမာအဆိုတော် ရဲလေးတို့၊ ထွန်းထွန်းတို့ နဲ့အီစီကလီလုပ်ချင်တာနဲ့ ၀က်မဆိုတဲ့ နာမည်တောင်ရွေးထားပေါ့...၊


ဒါပေမဲ့ပေါ့လေ...ဗမာအစိုးရက ဗမာမလေးတွေကို နိုင်ငံခြားသားနဲ့ လက်ထပ်တာကိုတရားမ၀င်သလို အမေရိကန်အစိုးရကလဲ ဗမာပြည်မှာတရားဝင်လက်ထပ်တာ မဟုတ်ရင်လက်ထပ်တာကို အသိအမှတ်မပြုဆိုတာကြောင့် ဗမာမလေးတွေနဲ့ လက်ထပ်ဖို့အရေး တခါရွေ့ဆိုင်းလိုက်ရပြန်လေရော၊ အမယ်.... ဒါတောင် ဗမာအချစ်ပွဲစားများကလဲ လက်မလျှော့ပေဘူးဗျ၊ အမေရိကန်ပြည်ထောင်စု တချို့ပြည်နယ်တွေမှာ လိင်တူလက်ထပ်တာကို အသိအမှတ်ပြုကြတယ်လို့ ကြားကြသတဲ့ဗျ၊ ကဲ...ဒီလိုလိုတော့ ဗမာမကို ယူမရတဲ့အတူတူ ဗမာယောင်္ကျားကို ယူဖို့လာစေ့စပ်ကြသဗျ၊


ကိုင်း......အရပ်ကတို့ရေ ကိုကြီးကျောက်ကို Texas ဆေးရုံက ကင်ဆာဖြစ်နိုင်ခြေရှိတယ်လို့ ပြောတာကို လင်ဆာဖြစ်နေတယ်လို့ ကြားကြသလားမသိပါဘူး ယောင်္ကျားယူဖို့ လာပြောကြတယ် ကြားလို့မှ ကောင်းကြသေးရဲ့လား..............။


ကိုကြီးကျောက် Maryland ပြည်နယ် Holy cross ဆေးရုံကြီးမှာ ခု တက်ရောက်ကုသနေပါတယ်၊ ဆေးရုံမှာဆေးကုသဖို့ ဆောင်ရွက်ပေးတဲ့ အဝေးရောက်ညွန့်ပေါင်း အစိုးရအဖွဲ့ ၀န်ကြီးချုပ်ဆရာဒေါက်တာစိန်ဝင်း နဲ့တကွ ဦးဘိုလှတင့်၊ဦးစိန်ဌေး၊ဦးလွှမ်းမိုး တို့ကိုလဲ အထူးကျေးဇူးတင်ကြောင်းပြောပါရစေ......