Monday, September 27, 2010

ကျောက်မစ္စကအကြောင်းတစေ့တစောင်း


ကိုကြီးကျောက်တို့ ဗုဒ္ဓဘုရားရှင်လက်ထက်က သူဌေးသား မောင်မစ္စက ဆိုတာရှိသတဲ့၊ သူ့မှာမိန်းမနဲ့ သားက နှစ်ယောက်ရှိသတဲ့၊ တနေ့တော့ မြစ်ဆိပ်မှာ ရေချိုးဆင်းရင်း ကောင်းကင်က ဈာန်နဲ့ ပျံကြွလာတဲ့ ရဟန္တာအရှင်မြတ် (ဘွဲ့ကိုမေ့နေလို့သိရင် ပြောကြပါဦး)၊ ကို ငါ့မိန်းမဖြစ်ရင်ကောင်းမှာပဲလို့ ပြစ်မှားမိလို့ သူကိုယ်တိုင် ယောင်္ကျားစင်စစ်ကနေ မိန်းမဘဝပြောင်းသွားရှာတယ်၊ မိန်းမဖြစ်သွားတော့ တချို့ဟာတွေ ပိုလာ၊ တချို့ဟာတွေ ပျောက်ကုန်တာပေါ့လေ.၊ဒီတော့ သူကလဲ ရှက်တာနဲ့ တခြားတမြို့ကို လှည်းသားငါးရာနဲ့လိုက်သွားသတဲ့..(ဟင်း..လိုက်စရာအဖေါ်ကလဲရှားလိုက်တာ) ၊ ဟိုရောက်တော့လဲ ကိုယ်ဖာသာအေးအေးဆေးဆေး အပျိုကြီးလုပ်မနေပဲ ..သူဌေးသားတယောက်နဲ့ ယူလိုက်တာ သားနှစ်ယောက်ထပ်ရသတဲ့..( သူကလဲ ရှိတဲ့ပစ္စည်း အအားမထားချင်ဘူးနဲ့တူပါရဲ့)....
ဒီမောင်မစ္စက ဇတ်ကို ကိုကြီးကျောက်တို့ မမွေးခင်က ဂရိတ်ဦးဖိုးစိန်ကြီးက ကတတ်သတဲ့၊ ကိုကြီးကျောက်တို့ ဘွားအေကြီးကတော့ ရှေးဇတ်စာတွေ ဇတ်သီချင်းတွေ ကိုကြီးကျောက်တို့ငယ်ငယ်ကတော့ ပြန်ပြန်ရွတ်ပြတာပေါ့၊ ဖိုးစိန်ကြီးရဲ့ မောင်မစ္စက ဇတ်မှာ ဖိုးစိန်ကတော့ ဇတ်သဘင်သဘောအရ လက်စွဲ ငယ်ကျွန်တယောက်ကလဲ ထည့်ထားရသေးတာကိုး..၊ဦးဖိုးစိန်ကြီးရော သူ့ငယ်ကျွန်ရော မိန်းမဘဝကို ပြောင်းသွားကြတော့ ဦးဖိုးစိန်ကြီးက ငိုချင်းချတာပေါ့လေ..၊ ပရိဿတ်ကလဲ ဖြစ်ရလေဆိုပြီး ဦးဖိုးစိန်ကြီးကို သနားနေကြတာပေ့ါ၊ ဒီအချိန်မှာပဲ လက်စွဲဖြစ်သူက ဇတ်ခုံပေါ်ဟိုဟိုသည်သည် လျှောက်သွားရင်း အောက်ငုံ့ကြည့်ပြီး..ဦးဖိုးစိန်ကို...ဆရာရေ..ခုမှလမ်းလျှောက်ရတာ ပေ့ါပါးသွားတယ်လို့ လှမ်းပြောတော့ ပရိဿတ်က..ဝါးကနဲပေ့ါ..၊
ဟိုတနေ့က ကိုကြီးကျောက်တယောက် မနက်အိပ်ယာက ထတော့ တခုခုထူးခြားနေသလိုပဲလို့ စစ်ဆေးကြည့်တော့.....အလို...ဘုရား...ဘုရား...ကိုကြီးကျောက်တယောက် ပြားရာက လုံးနေပါရော့လား...၊အမေရိကမှာ ပြစ်မှားစရာ ဈာန်ပျံနေတဲ့ ဘယ်ရဟန္တာမှလဲမရှိပါဘူး..၊ တနေ့တနေ့ ပြစ်မှားစရာ ကောင်မလေးတွေ ဒီလောက်ပေါနေတာ..ဟိုး..ကောင်းကင်ကြည့်ပြီးတော့ပြစ်မှားမနေတော့ပါဘူး ၊ ကောင်းကင်မှာလဲ လေယာဉ်ပျံတွေပဲရှိတာ..၊ ကိုင်း....ကြည့်စမ်း... ရင်သားနှစ်ဖက်လုံး ကလဲ စူတူတူ မောက်တောက်တောက်..အပျိုပေါက်လေးဖြစ်နေလိုက်တာ A 70 ဆိုဒ်လောက်တောင် ဝတ်လို့ရမယ်ထင်တယ်..၊ B တို့ C တို့ကတော့ မရလောက်သေးဘူး၊ မဖြစ်ဖူး...မဖြစ်ဖူး..ဆိုပြီး ကိုကြီးကျောက်ကို follow up လုပ်ပေးတဲ့ ဆရာဝန် DR Ronald Hong ဆီ appointment ယူပြီးပြေးရတော့တာပေ့ါလေ..၊


ဆရာဝန်က ကိုကြီးကျောက်ကို ကြည့်ပြီး ကိုကြီးကျောက် တနေ့ နှစ်ကြိမ်သောက်နေရတဲ့.. spironolactone ကြောင့်ပါတဲ့၊ သူ့ကြောင့် ဟိုမုန်းတွေ ပြောင်းလဲပြီး ရင်သားတွေ မောက်လာမယ်..၊ ခန္ဓာကိုယ်ကလဲ ယားယံနေတတ်တယ် ဆိုပဲ..၊ အဲဒီတော့မှကိုကြီးကျောက်လဲ စဉ်းစားမိတယ်...ဟုတ်ပါ့..ကိုကြီးကျောက်မှာ ဟိုနေရာယားလိုက် ဒီနေရာ ယားလိုက်နဲ့...၊ ရင်သားဆူဆူဖြိုးဖြိုးကြီးနဲ့ ဖင်ယားနေမှဖြင့်......အံမယ်မင်း...မတွေးဝံ့ပေါင်ဗျာ...၊ ဆရာဝန်ကတော့ အကြံပေးပါတယ်...ရင်သားတွေပေါ်ကို tape နဲ့ဖြစ်ဖြစ် ပလပ်စတာနဲ့ တင်းတင်းပတ်ထားပါ..၊ ဒါမှမဟုတ် ရင်သားကို ပုဝါနဲ့ ခပ်တင်းတင်းချည်နှောင်ထားပါတဲ့..၊


ကဲ...စဉ်းစားကြည့်ပါဦး...သူ့နည်းက ဘယ်လိုမှ အဆင်ပြေစရာ မရှိပါဘူးဗျာ...၊ ကိုကြီးကျောက်တို့ယောင်္ကျားတွေမှာက နို့သီးခေါင်းပတ်လည်မှာလဲ အမွှေးပေါက်တတ်တဲ့အမျိုး..၊ tape ကိုပြန်ခွာချိန်မှာ ....အင်း....မဖြစ်သေးဖူး...အနာတော့မခံနိုင်ဘူး..၊ နောက်တနည်း...ပုဝါချည်လိုက်လျင်ကော.....၊ ကိုကြီးကျောက်တို့ ဘွားအေကြီးတွေခေတ်က ဗမာအမျိုးသမီးတွေ ဘော်လီတို့ ဘရာစီယာတို့ မဝတ်ကြပဲ ပိတ်ပါးစည်းကြတာ သတိရမိလို့ ဒီနည်းလဲ သိတ်မကြိုက်ချင်ဘူး.. ပြီးတော့ ရင်ညွန့်မှာ ပုဝါစည်းထားတဲ့ ကိုကြီးကျောက်ကိုမြင်ကြတဲ့သူတွေက ..ကိုကြီးကျောက်တယောက် ဘယ်လိုဘယ်လို အယူတိမ်းပြီး အရှင်လတ်လတ်နတ်စိမ်းဖြစ်သွားပါလိမ့်လို့ ထင်ကုန်ကြမယ်..၊


ကဲ..ရှိစေတော့..စူတာကိုစူတဲ့အတိုင်းပဲ ထားလိုက်မယ်..၊ ဆက်မကြီးအောင်လို့ ဆရာဝန်ပြောသလို လက်နဲ့ပဲ အကျိတ်ကို ခြေရမှာပေါ့လေ..၊ အင်း...လက်ယောင်လိုက်လာရင်လဲ..ဒုက္ခ..တတ်နိုင်ပါဘူးလေ ၊ အသဲခွဲခံပြီးတဲ့ အချိန်အထိတော့ သည်းခံနေရမှာပေါ့၊ ခုလောလောဆယ်..ဆေးတွေပုံမှန်သောက်နေရလို့လားတော့ မသိဘူး။ စားလို့ကောင်း သောက်လို့ကောင်း.. လမ်းလျှောက်ရတာလဲ ပေ့ါပါး သွက်လက်လွန်းလို့ ဦးဖိုးစိန်ကြီး လက်စွဲတပည့်လို ပေါ့ပါးသွားတာများလားလို့ ကိုယ့်ပစ္စည်းကို ရှိမရှိ ခနခနစစ်ကြည့်နေရသေး..၊ ကိုကြီးကျောက်တော့ all မဟုတ်ပဲ half မစ္စက ဖြစ်နေလို့ တော်ပါသေးရဲ့ဗျာ...၊


ကိုကြီးကျောက်ကို ဘယ်လိုကုသမယ်ဆိုတာ အောက်တိုဘာ ၁ ရက်နေ့မှာ စည်းဝေးဆုံးဖြတ်ကြပါလိမ့်မယ်..၊ ကိုကြီးကျောက်ရဲ့ Liver Transplant Team Leader က Linda Ridge တဲ့၊ အသက် ၃၀ ကျော်ကျော်ရှိတဲ့အမျိုးသမီး၊ ရုပ်လဲမဆိုးဘူးဗျ..၊အင်္ဂလိပ်စကားပြောရာမှာလဲ အမေရိကန်အသံထွက်မျိုးမဟုတ်ပဲ အင်္ဂလိပ်သံထွက်တာကြောင့် ကိုကြီးကျောက်အတွက် ပြောရဆိုရတာ သိတ်အဆင်ပြေတာပဲ၊ ဒီမှာက လူမျိုးပေါင်းစုံ အသံထွက်ပေါင်းစုံဆိုတော့ ဖုန်းပြောရင် သိတ်စိတ်ညစ်ရတယ်၊ ခုတော့ တော်တော် အသားကျပါပြီလေ..၊ ကိုကြီးကျောက်ကို မခွဲခင် ၂၈ ရက်နေ့ Texas ပြည်နယ် Houston ကိုသွားလိုက်ဦးမယ်..၊ ပစ္စည်းတွေနဲ့ ကားကို သွားယူလိုက်ဦးမယ်၊ ဒီမှာက ကားမရှိရင် ပဒုမပေါင်တိုဖြစ်နေတာ၊အပြန်တော့ မိုင် ၁၅၀၀ လောက် ကားမောင်းခဲ့ရမှာပေါ့...။

google ကရှာထားတဲ့ shemale ပုံဖြစ်ပါတယ်

Thursday, September 23, 2010

အီတလီ-အဘီဆီနီယာစစ်ပွဲ နဲ့ မယ်ပွေးအမှုတွဲ


ကိုကြီးကျောက်တို့ ကမ္ဘာ့သမိုင်းမှာ လွန်ခဲ့တဲ့နှစ် ၄၀၀ ကျော် ၅၀၀ လောက်ကစလို့ ဥရောပကရေကြောင်းထွန်းကားလာတဲ့ နိုင်ငံတွေက အပြိုင်အဆိုင် နယ်ပယ်သစ်တွေရှာဖွေလာပြီး ကိုလိုနီနယ်မြေတွေ ချဲ့ထွင်လာလိုက်တာ ၂၀ ရာစုထိအောင်ပါပဲ၊ စပိန်၊ ပေါ်တူဂီ၊ အင်္ဂလိပ်၊ပြင်သစ်၊ ဒတ်ခ်ျ(နယ်သာလန်)၊တို့က တကမ္ဘာလုံးကို ခွဲယူထားသလိုပါပဲ၊ အင်္ဂလိပ် အင်ပိုင်ယာကြီးဆို နေမဝင်အင်ပိုင်ယာလို့ ကျော်ကြားခဲ့တာပေါ့၊ အင်္ဂလိပ်ပိုင်နယ်မြေတွေမှာ တနေရာမဟုတ် တနေရာမှာ နေထွက်နေသတဲ့၊ အဲသလောက်တောင် တကမ္ဘာလုံးကို ဖြန့်ကျက်ပြီး ကိုလိုနီနယ်မြေတွေရှိတာ၊


အဲဒီအချိန်မှာ.. တချိန်က ရောမအင်ပိုင်ယာကြီး ထူထောင်ခဲ့ပြီး ဥရောပတဝှမ်းကို ပိုင်စိုးခဲ့တဲ့ အီတလီမှာက ကိုလိုနီနယ်မြေ ရယ်လို့ ဘာမှရှိရှာဘူး၊ အဲဒီတော့ သူများတွေ ချန်ထားတဲ့ အဘီဆီနီယာ( Abyssinia) ကို ကိုလိုနီလုပ်ဖို့ဝင်တိုက်သတဲ့၊ အဘီဆီနီယာလို့ အဲသည်အချိန်က ခေါ်တဲ့နိုင်ငံဟာ ခု ..အားလုံးသိတဲ့.. အီသီယိုပီးယား ပါပဲ ၊ ရောမအင်ပိုင်ယာတုန်းက ပိုင်ခဲ့တဲ့ အီဂျစ်ဆိုတာကလဲ အဲဒီအချိန်မှာ အင်္ဂလိပ်အစောင့်အရှောက်ခံနိုင်ငံ ဖြစ်နေတော့ အီဂျစ်နားက အဘီဆီနီယာကို ဝင်တိုက်တာပေါ့လေ ၊ အဲဒီအချိန်က ၁၉၃၀ ခုနှစ်ပတ်ဝန်းကျင်ပေါ့၊ အီတလီက အဘီဆီနီယာ ကို ၁၉၃၆ ကနေ ဒုတိယကမ္ဘာစစ်ဖြစ်တဲ့အထိ သိမ်းထားသတဲ့၊


ကိုင်း......မယ်ပွေးနဲ့ ဒီစစ်ပွဲ ဘယ်လိုဆက်စပ်နေသလဲဆိုတာ ဆက်ကြရအောင်၊ မယ်ပွေးရဲ့မောင်နာမည်က ကိုဘကျော် တဲ့၊ ကိုဘကျော်ကို အငယ်ဆုံးဆိုတော့ အားလုံးက အလိုလိုက်ထားကြတော့ ကိုဘကျော်ကလဲသူထင်ရာသူလုပ်တတ်သတဲ့၊ သူ့ကို မန္တလေးက ဆရာဖြစ်သင်နော်မံကျောင်းကို ပို့တော့ အိမ်ကပေးလိုက်တဲ့ ငွေနဲ့တကွ ခေါင်းအုန်း၊စောင်၊ ခြင်ထောင်ပါမကျန်ယူပြီး တခါထဲ မိန်းမခိုးပြေးသွားသတဲ့၊ ကဲ....မင်္ဂလာဦးမှာ ဘယ်လောက်အဆင်ပြေလှသလဲ...၊ အဲဒီနောက်တော့ မြင်းခြံက စတီးဘရားသား ချည်စက် မှာစာရေးဝင်လုပ်နေသတဲ့၊ အဲဒီတော့ မောင် ဖြစ်သူ ကိုဘကျော်ကို အမတွေက သူတို့နဲ့နီးနီးနားနားနေရအောင် အိမ်ဝန်းတခုဝယ်ပေးတာပေါ့လေ ၊


အဲဒီအိမ်က ပိုင်ရှင်က ချစ်တီးဆီမှာအပေါင်ဆုံးထားတော့ ချစ်တီးဆီကနေ၄၅ကျပ်နဲ့ ဝယ်ပေးချိန်မှာ အီတလီနဲ့ အဘီဆီးနီးယားတို့ စစ်ဖြစ်နေချိန်တဲ့ ၊ အဲဒီနောက်..နှစ်ပေါင်း ၃၀ ကျော်ကြာတဲ့အချိန်မှာ.. မူလပိုင်ရှင်ရဲ့ သမီး မဖွားခင် က အိမ်မြေနေရာကို ပြန်လည်ရလိုမှု နဲ့ တရားစွဲပါလေရော..၊ တရားစွဲချိန်မှာ မဆလပါတီက တိုင်းပြည်အုပ်ချုပ်ရေးကို စတင်ချိန်ဆိုတော့ အုပ်ချုပ်ရေး၊ တရားစီရင်ရေးတွေမှာ အကုန်ကမောက်ကမတွေပေါ့၊


တင်းပြည့်ပါတီဝင်တွေမှ ရာထူးဌာနကောင်းတာဝန်ယူရတာဆိုတော့ ပညာတတ်တွေ၊ မူလရာထူးရာခံရှိသူတွေက ဘယ်သူမှ မဆလ ပါတီကို စိတ်ဝင်စားတာမဟုတ်လေတော့ ဘယ်သူမှ တင်းပြည့်ပါတီဝင်မဟုတ်ပေဘူးပေါ့၊ တင်းပြည့်ပါတီဝင်ဆိုသူတွေက အရပ်ထဲမှာအလုပ်အကိုင် မယ်မယ်ရရမရှိပဲ လဘက်ရည်ဆိုင်တကာလှည့်ပြီး စကားပြောနေသူတွေ၊ ဆိုက်ကားသမားတွေ၊ ရာထူးနိမ့်ဝန်ထမ်းနဲ့ မူလတန်းပြ ဆရာလေးတွေက အများစုပေါ့၊ အုပ်ချုပ်ရေးစနစ်သစ်အရ မူလက ခရိုင်ဝန်တွေ၊ နယ်ပိုင်တွေ၊ မြို့အုပ်တွေ တရားသူကြီးတွေ နေရာမှာ ဆိုက်ကားဆရာတွေ ယောင်ခြောက်ဆယ်တွေက အခန့်သားနေရာတက်ယူလာကြတော့၊ အကုန်အိုးနင်းခွက်နင်း ဖြစ်ကုန်တာပေါ့လေ၊


ကိုကြီးကျောက်တို့ကလဲ ရန်ကုန်တက္ကသိုလ်မှာ ဥပဒေပညာ သင်နေတဲ့ သူငယ်ချင်းတွေကို ကျောင်းပြီးရင် ဆိုက်ကားနင်းစားပါကွာ ဒါမှ တရားသူကြီးဖြစ်မှာလို့ စကြတော့ ကျွဲမြီးတိုကြသဗျ..၊အဲဒီအချိန်က မန္တလေးအငြိမ့် လူရွှင်တော်တွေကလဲ ပျက်လုံးတွေထုတ်ကြပေါ့လေ..၊ ဇတ်ခုံပေါ်မှာ တရားစီရင်ရေး လုပ်နေတုန်း တရားသူကြီးလုပ်တဲ့ လူရွှင်တော်က ဇတ်ခုံဒေါင့်ကို ခနခန ထသွားကြည့်နေတာကိုး..၊ ကျန်တဲ့လူပျက်တွေက တရားသူကြီး ဘာလို့ ခနခန ထသွားကြည့်နေတာလဲဆိုတော့...တရားသူကြီးလုပ်သူက ငါ့ဆိုက်ကားလေး လူခိုးသွားမှာစိုးလို့ပါကွာ..လို့ပြောတော့ ပွဲကြည့်ပရိဿတ်က ရီကြတာပေါ့၊


အဲဒီတုန်းက မြို့တော်ရန်ကုန်နဲ့ ကလဲ အလှမ်းဝေးလေတော့ မန္တလေးလူရွှင်တော်တွေက ဦးနေဝင်းနဲ့ ရတနာနတ်မယ်တို့ပြဿနာ တက်ကြတော့လဲ ပျက်လုံးထုတ်ကြတာပဲ.၊ ရတနာနတ်မယ်လို ဆံထုံးနဲ့ထိုင်မသိမ်းအင်္ကျီဝတ်ထားတဲ့ လူပျက်ကို ဦးနေဝင်းလို ခေါင်းပေါင်းနဲ့ မျက်မှန်တပ်ထားတဲ့ လူရွှင်တော်က ရတနာမိစံ..ရတနာမိစံ..လို့လိုက်ခေါ်ပေမဲ့ ရတနာမိစံက ပေါက်ဖေါ်လိုဝတ်ထားတဲ့ လူပျက်ကို ခေါင်းက ဧရာမဆံထိုးကြီးဖြုတ်ပြီး တချက်ချက်နဲ့ ဓါတ်ပုံ ရိုက်နေတာကိုး..၊ ဦးနေဝင်းရောက်လာတော့ တွဲသတ်ကြတော့ ရတနာမိစံက ဆောင့်အောင့်ပြီးအထုပ်ပိုက်ဆင်းသွားတော့ ဦးနေဝင်းအသဲကွဲခန်းပေ့ါလေ..၊ ပရိဿတ်ကလဲ တဝါးဝါးနဲ့...ပတ်တုတ်လို့တောင်မနိုင်ဘူး..၊


ကိုင်း..ကိုင်း..မယ်ပွေးအမှုအကြောင်းပြန်ကောက်ကြစို့..၊ အဲဒီအမှု မဆလတရားရုံးက ဟိုဖက်သည်ဖက် သက်သေတွေ ခေါ်စစ်ကြတော့ မဖွားခင်က သက်သေမယ်မယ်ရရ မပြနိုင်ဘူးတဲ့၊ မယ်ပွေးကတော့ ချစ်တီးဆီက ဝယ်ထားတဲ့ စာချုပ်ပြနိုင်သတဲ့..၊ ဒါနဲ့ တရားသူကြီးအဖွဲ့က မယ်ပွေးကို ခင်ဗျားစာချုပ်က ဘယ်တုန်းက ဟာလဲဆိုတော့ မယ်ပွေးက အီတလီနဲ့အဘီဆီးနီးယား စစ်ဖြစ်တုန်းကပါ ဆိုတော့ တရားသူကြီးတွေ ပါးစပ်အဟောင်းသားဖြစ်ကုန်ကြသတဲ့၊ တရားသူကြီးတွေက အီတလီလဲမသိ (ခုတော့ဘောလုံးပွဲတွေကြည့်နေလို့ သိကုန်ကြပါပြီ) ၊ အဘီဆီးနီးယားလဲမသိ..၊ အခက်တွေ့နေတာပေါ့၊ မယ်ပွေးကလဲ အီတလီနဲ့ အဘီဆီးနီးယားစစ်ပဲ တွင်တွင်ပြောနေတော့ တရားသူကြီးတွေက နောက်ဆုံး မယ်ပွေးမှန်ပါတယ်ဆိုပြီး အဖွားခင်တရားစွဲတာကို ပယ်ချလိုက်သတဲ့....။ ကဲ..မယ်ပွေးတို့အမှတ်အသားကောင်းလိုက်ပုံများ......။


ကိုကြီးကျောက် 09/24/2010 ရက် သောကြာနေ့မှာ Baltimore မြို့က University of Maryland Medical center မှာ ဆေးရုံတက်ရပါမယ်၊ အသဲခွဲခံရမဲ့ကိစ္စကတော့ အဲဒီရောက်မှသိပါလိမ့်မယ်၊ Google earth မှာ University of Maryland Medical center , Baltimore MD 21201 ကို ရိုက်ထည့်ကြည့်ရင် တွေ့ပါလိမ့်မယ်၊ သနားကမားရုပ်လေးနဲ့ ပြုံးဖြီးဖြီး ပုံလေးမြင်ရင်တော့ အဲဒါ ကိုကြီးကျောက်ပဲ....။


Italo-abyssinia စစ်ပွဲပုံကို Wiki ကယူပါသည်။

Saturday, September 18, 2010

ရုံးမင်းတထိုင်နဲ့ တရားရေးမဏ္ဍိုင်


ကိုကြီးကျောက်တို့ ဘွားအေကြီးက မယ်ခါတဲ့၊ မယ်ခါရဲ့မောင်က ဦးဘိုးသောင်တဲ့၊ ရှေးခေတ် အင်္ဂလိပ်စာ ၄ တန်းအောင်တော့ ရှေ့နေစာမေးပွဲဖြေပြီးတော့ အမိန့်တော်ရရှေ့နေလုပ်နေသတဲ့၊ ဦးဘိုးသောင်ရဲ့ မိန်းမက ဒေါ်လေးကြီးတဲ့၊ ကိုဘိုးသောင်နဲ့မလေးကြီးတို့ အကြောင်းဆက်ပေါင်းဖက်လို့ သားသမီးတွေ ပွားစီးလိုက်တာ တကျိပ်တောင်ကျော်သတဲ့၊ ဦးဘိုးသောင်က နေ့တိုင်း မြင်းခြံကအရေးပိုင်ရုံးကို သွားနေတော့ သူ့သားသမီးတွေကို အင်္ဂလိပ်အစိုးရဝန်ထမ်း ရာထူးရာခံတွေနဲ့ ဖြစ်စေချင်သတဲ့၊

အမှုထမ်းအရာထမ်းဖြစ်ဖို့ဆိုတာကလဲ ပညာကလဲ တတ်မှဖြစ်ပေမှကိုး၊ သူ့ရှေ့နေဝင်ငွေလေးနဲ့ ဘယ်မှာ သားသမီးတကျိပ်ကို အင်္ဂလိပ်ကျောင်းမှာ ပညာသင်ပေးနိုင်ပါ့မလဲ၊ ဒါနဲ့ ဦးဘိုးသောင်တမိသားစုလုံး အမေရိကန် ဘက်ပတစ် မစ်ရှင်မှာ နှစ်ချင်းခံယူကြပြီး သားသမီးတွေကို အဲဒီကဖွင့်တဲ့ ABM အထက်တန်းကျောင်းမှာ အခမဲ့ပညာသင်ရသတဲ့၊ ABM ကျောင်းဟာ မြင်းခြံမှာ သက်တန်းအရှည်ဆုံးကျောင်းပေါ့ ၊နှစ်ပေါင်းတရာကျော်ပြီပေ့ါ၊ လွတ်လပ်ရေးရပြီး အစိုးရက မစ်ရှင်ကနေ လွှဲပြောင်းယူလို့ အလယ်တန်းကျောင်းပြန်ဖွင့်ထားတာမှာ စာရေးဆရာ လူမျိုးနော်တို့ ဆရာမ ခင်ခင်ထူးတို့ နေခဲ့တဲ့ကျောင်းပေါ့၊ ..

ဦးဘိုးသောင်လဲ ဆွေမျိုးတွေရဲ့ အပြောအဆိုခံပြီး နှစ်ခြင်းခံရကြိုးနပ်တယ်ပဲ ဆိုကြပါစို့ သားသမီးတွေ အကုန်နီးပါး ခေတ်ပညာတွေ တတ်မြောက်ကြရာမှာ သား ကိုဘဌေးက ဘိလပ်ကတောင် B.A ,B.L ဘွဲ့ ရသတဲ့၊ မယ်ခါကတော့ သူ့သမီးတွေ အမကမွေးတဲ့တူမတွေကို မိန်းကလေးပဲ သေစာရှင်စာတတ်ရင် တော်ပြီပေါ့ဆိုပြီး ဈေးရောင်း၊ ဆေးလိပ်လိပ် ခိုင်းသတဲ့၊ တူမတွေ သမီးတွေကို နာမည်ဆင်တူကလဲ မှည့်ထားသေး၊ မယ်ထင်၊မယ်ဆင်၊ မယ်အေး၊မယ်သေး၊မယ်ပွေး..တဲ့၊ မယ်သေးနဲ့မယ်ပွေးက မယ်ခါက မွေးတယ် ကျန်တာတွေနဲ့လဲ တဝမ်းကွဲပေမဲ့ အရင်းလို ချစ်ကြသတဲ့၊ မယ်ပွေးကတော့ မယ်ခါကိုတူလို့ အင်မတန် စွာသတဲ့၊

မယ်ပွေးက ပထမ ဘင်္ဂလားဆေးပြင်းလိပ်လိပ်သတဲ့၊ ဆေးလိပ်ခုံပိုင်ရှင်က လူထု ဦးလှ ရဲ့ ကျွန်တော်လှေသူကြီး စာအုပ်က ဦးရှိန်ပေါ့၊ ဆရာကြီးလူထုဦးလှရဲ့ ကျွန်တော်ဗျူရိုကရက်၊ ကျွန်တော်စတီးပွဲစား၊ ကျွန်တော်မြင်းသမား....စတဲ့ ကျွန်တော် series စာအုပ်တွေ ပြန်ဖတ်ချင်လိုက်တာ၊ ကိုကြီးကျောက်ဗမာပြည်မှာ ရှိတုန်းကတော့ ပြန်ထုတ်တာ မတွေ့မိဘူး၊ အဟောင်းဆိုင်တွေမှာ သွားရှာရင်တော့ရမယ်ထင်ပါရဲ့၊ ဒီတခါ ဗမာပြည်ပြန်ရင်တော့ ကိုငြိမ်းချမ်း(စာရေးဆရာ ညီပုလေး) တွေ့မှမေးကြည့်ဦးမယ်၊ ပြန်ထုတ်ပြန်ရင်လဲ ရှေးဆရာကြီးတွေ လက်ရာကို ဟိုဟာဖြုတ် ဒီဟာပြောင်းလုပ်ရင်လဲ ကိုကြီးကျောက်က သဘောမကျဘူးဗျာ၊..

တနေ့က ဆရာသော်တာဆွေရဲ့ ကျွန်တော့ ဘဝဇတ်ကြောင်းကိုစာပေလောကတိုက်က ထုတ်တာကြည့်လိုက်တော့ ဆရာက မေမြို့လို့ သုံးခဲ့တာကို ပြင်ဦးလွင်တွေ လျှောက်ပြင်ထားသဗျာ၊ ကိုကြီးကျောက်တို့ ငယ်ငယ်ကတော့ လွယ်လွယ်ကူကူ မေမြို့ပဲခေါ်တာပဲ၊ ဘယ်သူမှ ရှည်ရှည်ဝေးဝေး ပြင်ဦးလွင်မနေဘူး၊ ခုလဲ မေမြို့ပဲနှုတ်ကျိုးနေတာပဲ၊ သူ့ခေတ်ကာလအတိုင်း သူသုံးတာကို အတင်းလိုက်ပြင်တာတော့ ကိုကြီးကျောက်သဘောမတူတာအမှန်..၊ စိုင်းထီးဆိုင်သီချင်းကို...အို.....ပြင်ဦးလွင်မိုး...ပြောင်းဆိုကြည့်ပါ၊ ကိုင်း ဘယ်လောက်နားထောင်ရဆိုးလှသလဲ၊

ကဲ...ထားပါတော့ မယ်ပွေးအကြောင်းပဲ ဆက်ကြစို့၊ မယ်ပွေးက ဆေးလိပ်လိပ်ရတာ မပျော်ဘူးတဲ့၊ ဒါနဲ့ မြင်းခြံကမ်းနားက အထက်ဆန်တန်းက ဈေးလေးထဲမှာ ကုန်စုံရောင်းသတဲ့၊ အောက်ပြေအောက်ရွာက ကုန်လှေကြီးတွေဆီက ဆန်တို့ ငပိ၊ ငါးခြောက်တို့လဲယူရောင်းတယ်၊ ဆန်တန်းက ဆန်ကုန်သည်ကြီးတွေဆီကလဲ ဆန်ယူရောင်းသတဲ့၊ တနေ့တော့ဆန်ကုန်သည်ဆီက ဆန်တွေမှာထားသတဲ့၊ အဲဒီအချိန်မှာ မြင်းခြံက ဆန်ပွဲရုံတွေမှာလဲ ဆန်က ပြတ်သလောက်ဖြစ်နေတယ်၊ ကုန်သည်ကပို့လိုက်တဲ့ ဆန်အိပ်တွေကို အလုပ်သမားကဆိုင်ချင်းမှားပြီး ဘေးနားက ဆိုင်မှာချသွားသတဲ့၊

မယ်ပွေးက သူ့ဆီဆန်မရောက်တော့ ကုန်သည်ကိုမေးတော့ ပို့ပြီးပြီလို့ ပြောသတဲ့၊ ဒါနဲ့ စုံစမ်းလိုက်တော့ ဆိုင်မှားချသွားတာကိုး၊ မယ်ပွေးကမှားချတဲ့ဆိုင်ကို လိုက်ပြီးသူ့ဆန်လိုက်တောင်းတော့ ဟိုဆိုင်ကလဲ ဆန်ပြတ်နေချိန်ဆိုတော့ ပြန်မပေးဘူးတဲ့၊ ဒီမှာတင်ပဲ ...ရန်ဖြစ်ကြရောဆိုပါစို့...ပါးစပ်ကရန်ထောင်ရာကနေ မိန်းမခြင်းနပမ်းတွဲသတ်ကြတော့၊ လက်မြန်ခြေမြန် မယ်ပွေးက တဖက်က မိန်းမရဲ့ မိန်းမအင်္ဂါဇတ်ကို ဖနောင့်နဲ့ ၂ ချက်လောက်ပေါက်လိုက်တာ ဟိုမိန်းမလဲ အမြှပ်တစီစီနဲ့ တက်နေရှာပါလေရော..၊တဖက်က ပုလိပ်တိုင်တော့ မိန်းမချင်းရန်ဖြစ်ကြတဲ့ အမှုဆိုတော့ ချက်ချင်းတရားရုံးပို့လိုက်သတဲ့၊

တရားရုံးမှာအမှုဆိုင်တော့ တရားသူကြီးက ဦးဘဌေး ဖြစ်နေသတဲ့၊ မယ်ပွေးကလဲ မောင်က တရားသူကြီးဆိုတော့ သူ့တို့မောင်နှမ ပြောသလိုမျိုး တရားရုံးမှာတရားသူကြီးကို ..ဟဲ့..မောင်ဘဌေးလို့ ခေါ်သတဲ့..၊ တရားရုံးရှေ့ဖတ်စာရေးတွေက တရားရုံးကို မထီမဲ့မြင်မပြုပါနဲ့လို့ သတိပေးကြပေမဲ့၊ တရားသူကြီးကိုယ်တိုင်က ငါ့အမပါကွာ လို့ပြောတော့ ဆက်ပြောရခက်နေသတဲ့၊ တဖက်ကတရားစွဲသူများရော နားထောင်တဲ့သူတွေကရော တရားသူကြီးအမဆိုတော့ ပြစ်ဒဏ်မချလောက်ဖူးလို့ ထင်ကြသတဲ့၊ ဒါပေမဲ့ တရားသူကြီးက ဒဏ်ငွေ ၅ ကျပ် ပေးဆောင်စေ၊ မဆောင်နိုင်က ရုံမင်းတထိုင် ပြစ်ဒဏ်ကျခံစေလို့ အမိန့်ချတယ်၊ ရုံးမင်းတထိုင်ြပစ်ဒဏ်ဆိုတာ မနက်ရုံးဖွင့်ချိန်ကစလို့ ညနေ ၅ နာရီရုံးဆင်းချိန်ထိ တရားရုံးထဲမှာ အပြစ်ဒဏ်ခံရတာကိုး၊..

မယ်ပွေးက သူ့မောင်ကသူ့ကို ဒီလိုစီရင်ချက်ချတော့ အရမ်းစိတ်ဆိုးပေါ့ ၊ ဒါနဲ့ မယ်ပွေးက မောင်ဘဌေး ငါ့မှာ ၅ ကျပ်ပါတယ်ဟဲ့ ..ဒါပေမဲ့ ငါမဆောင်ဘူး ရုံးမင်းတထိုင်နေမယ် ဆိုပြီး ရုံးထဲမှာပဲဆက်နေသတဲ့၊ တရားသူကြီးကလဲ ကိုင်း..သူမဆောင်လဲ ငါဆောင်ပေးပ့ါမယ် ဆိုလဲ မယ်ပွေးက လက်မခံဘူး၊ ရွတ်ပေပေနဲ့ တရားရုံးမှာပဲ ရုံးမင်းတထိုင်နေတယ်..၊ မောင်ဖြစ်သူတရားသူကြီးက စားစရာတွေပို့ပေးလဲ မစားဘူး၊ ရုံးမင်းတထိုင်နေသွားတယ်၊

ရှေးအင်္ဂလိပ်ခေတ် တရားရေးမဏ္ဍိုင်မှာ ဥပဒေအထက်မှာဘယ်သူမှရှိရတာမျိုးမှ မဟုတ်ပဲလား ၊ ဆွေမျိုးမိဘ အသိအကျွမ်းဆိုတာမျိုးလဲ တရားစီရင်ရေးမှာမရှိပါဘူး၊ ဘယ်အာဏာပိုင်အဖွဲ့အစည်းကမှလဲ တရားစီရင်ရေးမှာ ဝင်ရောက်စွက်ဖက်ခွင့်မရှိသလို...လာဘ်ပေးလာဘ်ယူဆိုတာကလဲ အင်မတန်မှ ရှက်စရာကောင်းတဲ့ အလုပ်လို့ သတ်မှတ်ထားတာလေ..၊

ကိုကြီးကျောက်ရဲ့ သူငယ်ချင်းတချို့က ဥပဒေပညာနဲ့ ဘွဲ့ရပြီး တရားသူကြီးတွေ၊ ဥပဒေအရာရှိတွေ လုပ်နေကြသူတွေထဲမှာ တချို့က ဗမာပြည်တရားစီရင်ရေးနဲ့ ပတ်သက်ပြီးညည်းတွားကြတယ်..၊ ဘယ်သူ့သားသမီးမို့ လွှတ်ပေးပါ၊ ဘယ်အဖွဲ့အစည်းကမို့ ထောင်ဒဏ် အနှစ် ၈၀ ချပေးပါဆိုတဲ့ တရားစီရင်ရေးမှာ ဝင်ရောက်စွက်ဖက်တာကြုံရသလို..၊ အမှုအတွက် သိန်းဘယ်နှဆယ်ဆိုတဲ့ လာဘ်ပေးလာဘ်ယူမှုတွေကလဲ မရှောင်သာဘူးတဲ့...၊ ဒီငွေတွေစားပြီး အဆိပ်မျိုသလို ခံစားရကြောင်း ဗမာပြည်က တရားသူကြီးသူငယ်ချင်းတယောက်နဲ့ ကိုကြီးကျောက် စကားပြောရလို့ ကိုကြီးကျောက် အဖိုးအဖွားခေတ် အင်္ဂလိပ်လက်ထက်က တရားစီရင်ရေးလေးကို သတိရမိတာပါပဲဗျာ.....။

(google က ချိန်ခွင်ပုံရပါသည်)

Monday, September 13, 2010

ကျောက်ကျောက်(အင်းလျား)၏ မှုန်သောလမ်းမှာ ဝိုးတဝါး

(Maryland မှာလက်ရှိ အလန်းပုံလေး တင်လိုက်ပါတယ်၊ ဖလော်ရီဒါမှာ ဆေးရုံကဆင်းစ နိမိတ်ကြီး(၄)ပါးထဲက ဇတ်လိုက်ပုံတော့ နောက်မှတင်ပါ့မယ်..)


ကိုကြီးကျောက်တို့ ခပ်ငယ်ငယ်က စာရေးဆရာမ မိုးမိုး(အင်းလျား)ရဲ့ အမျိုးသားစာပေဆုရဝတ္ထု နာမည်က ပျောက်သောလမ်းမှာ စမ်းတဝါး တဲ့၊ ဆရာမကအင်းလျားဆောင်သူ ဖြစ်ခဲ့ဖူးတော့အင်းလျားဆိုတဲ့ နာမည်ကို ထည့်ထားတာကိုး၊.. ကိုကြီးကျောက်ကတော့ ဘယ်လိုအင်းလျားဆောင်သား ဖြစ်နိုင်ပ့ါမလဲဗျာ၊ ဒါပေမဲ့လဲ... အင်းလျားကန်နဲ့ ပတ်သက်ခဲ့ဖူးတော့ အင်းလျားဆိုတဲ့ အမည်ကို နောက်ကတပ်ကြည့်မိသဗျ ၊
ကိုကြီးကျောက်နဲ့ အင်းလျား...ဘယ်လိုပတ်သက်သလဲဆိုတာကတော့ သိတ်မထူးဆန်းလှပါဘူး၊
ကိုကြီးကျောက် ရန်ကုန်ရုံးမှာနေတဲ့အခါမှာ အငြီးပြေ ကောင်မလေးတယောက်နဲ့ တွဲခဲ့သေးသဗျ၊ သူနဲ့ကိုယ်နဲ့ ဟိုသွား..ဒီသွားလုပ်မယ်၊ ရုပ်ရှင်ကြည့်ချင်ကြည့်မယ်..၊ အဲ..တခါတလေ အင်းလျားကန်ဘောင်ပေါ် လမ်းလျောက်ရင်း boat club နားကချုံကြားမှာထိုင်ချင်ထိုင်မယ်..၊ အင်းလျားနဲ့ အများဆုံးပတ်သက်ခဲ့တာကတော့ ကောင်မလေးနဲ့ ကန်ဘေးက ချုံကြိုချုံကြားမှာ ချစ်ရည်လူးခဲ့ကြတာမို့ ကိုကြီးကျောက်လဲ အင်းလျားဆိုတာနာမည်နောက်ကတပ်တာ မလွန်ပါဘူးနော်..၊

တနေ့တော့.. ကောင်မလေးနဲ့ ကိုကြီးကျောက်တို့ အင်းလျားက ချုံကြားလဲ ဝင်ရော....အံမယ်.....ချောင်းနေကြတဲ့သူတွေက မနည်းမနောပါလား..၊ အဟင်း...ဒီကသိနေတယ်လေ...၊ ခြေမျက်စေ့ရော နောက်စေ့ရောပါတာပဲ ...မြင်တယ်လေ..အဟက်..၊ ကောင်မလေးကတော့ သိလားမသိလား ဘာမှခန့်မှန်းလို့မရပါဘူး...၊ ကိုကြီးကျောက်ကလဲ ပုဝါတကမ်း လက်တလှမ်းမှာ ထိုင်ပြလိုက်တော့ ချောင်းကြတဲ့သူတွေ မချင့်မရဲကိုဖြစ်လို့၊ ကိုကြီးကျောက်တို့လဲ စကားတွေ တွတ်ထိုးပြီး နောက်တော့....ချောင်းတဲ့သူတွေ အဆဲမခံရအောင်.....အာဗွါး....အာဗွါး...အာဗွါးတွေ လုပ်ပြလိုက်တော့..ချောင်းတဲ့သူတွေကလဲ...ဟာ ...ဇတ်လမ်းစပြီ....ဒန်တန်တန်...၊


သူတို့မှာအသက်တောင်ရှူနိုင်ပုံမရကြဘူး ၊ ဒါပေမဲ့..ကိုကြီးကျောက်တို့က ရုပ်ရှင်အကြောင်း၊ဝတ္ထုအကြောင်းတွေ ဆက်ပြောနေကြတော့ သူတို့မှာ အီလယ်လယ်ကြီး နေမှာပေါ့လေ၊ ခနနေတော့ ခပ်လှမ်းလှမ်းမှာ ရှိတဲ့ လှေလှော်အသင်းက တက်ကိုယ်စီနဲ့ လှေလှော်နေကြတော့ သူတို့ တက် ကိုင်သလို ကိုယ်ကလဲ တက်နဲ့နေ့တူနာမ်တူ ကိုယ်အနားရှိတဲ့ စနေနံကိုလဲ ကိုင်လိုက်ရော.....ဟာ..ရွှေဘ ..ကြမ်းတော့မယ်..ရမ်းတော့မယ်...သူ့အစွမ်းတွေပြတော့မယ်ပေါ့...၊ ချောင်းတဲ့သူတွေ တိုးတောင်လာသလိုပဲ၊ ဒါပေမဲ့....ဒီက ရွှေဘ မဟုတ်ဘူး...ကျောက်ဘလေ..ကျောက်ဘ..သိတယ်မို့လား....၊အဟင်း..လူလည်ခေါင်ဘာလို့ ထိုးပြနေမလဲ...အဲ...လက်သီး...လက်သီး....၊ စကားတွေဆက်ပြောလို့ဝတော့ ပြန်ထွက်လာခဲ့တော့ နောက်ကမကြားနိုးနား ဆဲသံကြားရသဗျ..၊ ကဲ..ဒီလောက်ဆိုရင်တော့..ကျောက်ကျောက်(အင်းလျား) ဖြစ်ပေါ်လာပုံ လုံလောက်ပြီ ထင်ပါတယ်၊


ကိုကြီးကျောက် Maryland မှာဆေးကု၊ Maryland မှာပြောင်းနေပြီ ဆိုတော့ နဂိုကကိုင်နေတဲ့ ဗာဂျီးနီးယား driver's license ကို Maryland လိုင်စင်နဲ့ပြောင်းကိုင်ဖို့ လိုအပ်လာပြီလေ၊ အမေရိကန်ပြည်ထောင်စုမှာက ဒရိုင်ဘာလိုင်စင်ဟာ မှတ်ပုံတင်နဲ့အတူတူပါပဲ၊ ဒရိုင်ဘာလိုင်စင်ကိုင်ထားတဲ့သူတွေအတွက် မှတ်ပုံတင်သီးခြားထုတ်ပေး မနေတော့ပါဘူး၊ ဒရိုင်ဘာလိုင်စင်ဖြေရတာကလဲ တရွာတပုဒ်ဆန်းဆိုသလို တပြည်နယ်မှာ တမျိုးပါပဲ၊ ဒါပေမဲ့လဲ အခြေခံစည်းမျဉ်းဥပဒေတွေကတော့ မကွာခြားလှပါဘူး၊


ကိုကြီးကျောက်ကတော့ အမေရိကမှာ ကားမောင်းရတာ ဗမာပြည်လို လင်္ကျာကပ်မောင်းဆိုတော့ အဆင်ပြေသဗျ၊ ဒါပေမဲ့....ကားတွေက ဗမာပြည်မှာလို ဂျပန် used ကားမဟုတ်ဘူး၊ ကိုကြီးကျောက်ကတော့ ဂျပန် used ကားကိုသုံးခိုင်းတဲ့ ဗမာပြည်က သက်ဆိုင်ရာလူကြီးမင်းများကို အင်မတန် ကျေးဇူးတင်သဗျ၊ စဉ်းစားကြည့်လေဗျာ... ဂျပန်ကားတွေက သူတို့ရဲ့လက်ဝဲကပ်မောင်းစနစ်အတွက် လုပ်ထားတော့ ဒရိုင်ဘာထိုင်ခုံက ညာဖက်မှာ ၊ ဒီတော့ လင်္ကျာကပ်မောင်းတဲ့ ရွှေပြည်ကြီးမှာ..ကားနှစ်စီးမျက်နှာချင်းဆိုင် တိုက်မိရင် ဒရိုင်ဘာကို အသက်ဘေးကကင်းဝေးစေတာပေါ့၊ မကောင်းဘူးလားဗျာ..ဘေးကထိုင်လိုက်တဲ့သူကတော့ ကမ္မသကာပေါ့လေ..၊


ဟော...အဝေးပြေးကားကြီးတွေ မှာလဲ လူအပိုတယောက် ကားဘယ်ဖက်ဘေးကရပ်ပြီး မျက်နှာချင်းဆိုင်က ကားလာတယ် လှည်းလာတယ် အော်ပေးနေရတော့ အလုပ်လက်မဲ့ပြဿနာ တတပ်တအား ဖြေရှင်းပေးနိုင်တာပေါ့ဗျာ..၊ ဒါကြောင့်လဲ တိုင်းပြည်ကြီးဖွံ့ဖြိုးတိုးတက်လာတာပေါ့ဗျာ..၊ မင်းတုန်းမင်းကြီးဆို ..သေသာသေရော မာစီးဒီးကားမပြောနဲ့ သုံးဘီးတောင် စီးမသွားရရှာဘူး၊ ခု...ရွာမှာဆို လိုင်စင်ရှိရှိ မရှိရှိ ကားတွေ ဥဒဟိုမောင်းနေလိုက်ကြတာ. ဘယ်လောက်ခေတ်မီလာသလဲ..ကြည့် ( ဟိုးပဝေသဏီ အတိတ်တွေနဲ့ နှိုင်းယှဉ်ပြတာ ခေတ်စားနေလေတော့ ကိုယ်လဲနောက်ကျမကျန်ချင်လို့ မဆီမဆိုင် မင်းတုန်းမင်းကြီး ဆွဲထည့်ပြရသေး)၊


ကိုင်း....ကိုယ့်လိုင်စင်အကြောင်းပဲ ဆက်ပြောကြစို့...၊ Maryland လိုင်စင်ကိုပြောင်းတော့ ကိုကြီးကျောက်ရဲ့ အမြင်အာရုံကို လိုင်စင်ရုံးက တခါထပ်စစ်တယ်..၊ ဒီမှာတင် ပြဿနာစတော့တာပဲ....၊ကိုကြီးကျောက်က ကင်ဆာဆေးတွေ နေ့တိုင်းသောက် ဆေးတွေသွင်းတဲ့ဒဏ်ကြောင့် ဆံပင်တွေကလဲပိုဖြူလာ..၊ကျွတ်လိုက်တာကလဲ...မနက်အိပ်ယာထရင် ခေါင်းအုန်းမှာ ဆံပင်တွေအထွေးလိုက်၊(ရွာမှာဆိုရင် ဆံပင်တွေပိဿာချိန်နဲ့ ရောင်းစားလို့ရတယ်..ဟင်း..တောက်)၊


မျက်စေ့တွေကလဲ မှုန်လိုက်တာ..ဝိုးတဝါး..အဝေးက သမီးကိုမြင်ရပေမဲ့ တတောင်လောက်အကွာက အမေကိုကြမမြင်ရဘူး၊ အမေရိကန်သမီးများကတော့ မြင်လွယ်ပါ့ဗျာ...ရှင်းလင်းနေတာပဲ..၊ အမေရိကန်မ အစစ်ဆိုရင် သူတို့ကြည့်လိုက်ရင်...လျှာမှာသံလုံး..ဖင်မှာအရုပ်..ဟိုနေရာမှာ နားကွင်းတဲ့..၊ ပြောကြတာပဲ၊ လျှာမှာသံလုံးကတော့ ကိုကြီးကျောက်လဲ မြင်တာပဲ၊ ဖင်မှာအရုပ်ဆိုတာကလဲ မြီးညှောင့်ရိုးမှာ tattoo ထိုးတာ မမြင်ချင်အဆုံး...၊ ဟိုနေရာ နားကွင်းကတော့......အဟီး ကိုကြီးကျောက်လဲ ဟုတ်မဟုတ်မသိဘူး ၊ ဓါတ်ပုံထဲတော့ မြင်ဖူးတယ်..အဟဲ..၊


ကိုကြီးကျောက်ခမြာ အမြင်တွေ မှုန်ရီဝေဝါးနေတော့ Maryland လိုင်စင်ရုံးက မျက်စေ့ဆရာဝန်နဲ့ တွေ့ဖို့ ညွှန်ကြားသဗျ၊ ဒါနဲ့ မျက်စေ့ ဆရာဝန်ဆီ သွားတာပေါ့ဗျာ၊..ကိုကြီးကျောက်မှာက ငယ်ငယ်ကထဲက ညာဖက်မျက်စေ့က အဝေးမှုန်တယ် ဘယ်ဖက်ကလုံးဝမမှုန်ဘူး၊ ပါဝါလဲတက်မလာဘူး၊ ဒီတိုင်း..ဒီတိုင်းပဲ၊


ကိုကြီးကျောက် အမေရိကကိုသွားမယ်ဆိုတော့ လိုအပ်တဲ့ ဆေးစစ်မှုတွေလုပ်ပြီး ၊ အင်း......မျက်စေ့လေးလဲ စစ်လိုက်ပါဦးမယ်လေဆိုပြီး ရွှေဘုံသာလမ်းက American vision ကိုသွားတော့ မျက်စေ့ဆရာဝန်အမျိုးသမီးက A,B,C,D,တွေ 1,2,3,4 တွေ ဖတ်ခိုင်းပြီးတော့ ဟယ်....အဝေးတွေရော အနီးတွေရော မှုံနေလိုက်တာ ဆိုပြီး မျက်မှန်တွေ လုပ်ခိုင်းတော့ လုပ်လိုက်ရတာပေ့ါ၊ မျက်မှန်ရလို့ အိမ်မှာ အိုက်တင်နဲ့ စာဖတ်မလို့ စာအုပ်လဲလှန်ရော..... အမလေး..စာလုံးကြီးတွေက တလုံး တလုံး ထန်းသီးလုံးလောက်ကြီးတွေပါလား...ဘုရား..ဘုရား..မျက်စေ့နဲ့တောင် ဆန့်ပါ့မလား တောင်တွေးမိတယ် ၊ စာတမျက်နှာတောင် ဆုံးအောင်မဖတ်နိုင်တော့လို့ ..ကဲ...အနီးမျက်မှန်ကိုတပ်ပြီးစာဖတ်ဖို့ အစီအစဉ်ကို ရပ်ဆိုင်းလိုက်ရတယ်..၊


ဒါနဲ့ ညရောက်တော့ TV က ကိုးရီးယားဇတ်လမ်းတွဲက စလာပြီ၊ ကိုကြီးကျောက်လဲ ကိုရီးယားမင်းသမီးလေးကို ရှင်းရှင်းမြင်ရအောင် အဝေးကြည့်မျက်မှန်လဲထုတ်တပ်လိုက်ရော....ဟာ....မင်းသမီးလေးက ခုနတယောက်ထဲပါ ခုဘယ့်နှယ်ဖြစ်ပြီး နှစ်ယောက် သုံးယောက် ဖြစ်နေတာပါလိမ့်ပေါ့.. ကြည့်နေရင်း မူးနောက်နောက်ဖြစ်လာတယ်..၊ ငါဘာမှလဲမသောက်ပဲ ဘာလို့မူးနေပါလိမ့်...ဒါနဲ့ ရေတခွက်တော့သောက်မှဆိုပြီး ထသောက်တော့ ရှေ့ကထိုင်ခုံတောင် မမြင်ရတော့ဘူး... တခါထဲဝင်တိုက်လိုက်ပြီး..ဘိုင်းကနဲနေအောင်..ကြမ်းပြင်ပေါ်မှောက်လျက်လဲတော့ တာပဲ၊ အိမ်ကလူတွေကလဲ..ဟင်......ခုနမှအကောင်းကြီး ခုဘယ်လို ဖြစ်တာပါလိမ့်ဆိုပြီး စိုးရိမ်တကြီးပြေးလာကြတော့..ကိုကြီးကျောက်ကတော့ မျက်မှန်ကို လက်ညှိုးထိုးပြပြီး...လွှင့်ပစ်လိုက်...လွှင့်ပစ်လိုက်..လို့ပဲအော်နိုင်တော့တယ်..လူလဲ မူးနောက်သွားတာပဲ..၊ American vision ကိုတော့ တခါထဲမှတ်သွားတော့တာပဲဗျာ..၊


ကဲ..ခုလဲ မျက်စေ့သွားပြီးစမ်းသပ်မယ်ဆိုတော့ American Best တဲ့၊ အို...ဘာဖြစ်ဖြစ်ပါလေ ဆိုပြီးတခါထဲ walk in ဆရာဝန်နဲ့ တွေ့တော့ အမေရိကမှာ စမ်းသပ်စစ်ဆေးတာ ဗမာပြည်နဲ့ မတူပါဘူး..၊ ဗမာပြည်လို ကကြီးခကွေးတွေ ဖတ်ပြနေစရာမလိုပါဘူး.. အကုန်လုံး မျက်စေ့ကြည့်တဲ့ ကိရိယာတွေနဲ့ စစ်သွားတာ ဘာပစ္စည်းတွေမှန်းတော့ မသိပါဘူး၊ သူတို့မှန်ပြောင်းထဲက လေးထောင့်ပုံ အစက်ကလေးကိုကြည့်ရင်း လှုပ်နေတဲ့ အရိပ်လေးတွေမြင်တိုင်း mouse နှိပ်ပေးရတာလဲပါရဲ့၊ သူငယ်အိမ်ကို ဓါတ်ပုံလဲရိုက်ရဲ့၊ စာလုံးလေးတွေကို ကြည့်လို့ကောင်းမကောင်းစစ်တာလဲ ပါရဲ့..၊ နောက်ဆုံးအဖြေထွက်လာတော့...အဝေးက ဘယ်ဖက်က ပုံမှန်၊ ညာဖက်က ၁၀၀ ရှိသဗျ၊ အနီးကြည့်က တဖက်၁၁၀ စီရှိသဗျ၊ ခုတော့ ကိုကြီးကျောက်လဲ မှုန်သောမျက်စေ့နဲ့ ဝိုးတဝါးမို့ မျက်မှန်တပ်နေရကြောင်းပါခင်ဗျာ..........။

(google ကပုံနဲ့ ကိုယ်တိုင်လက်စွမ်းပြပုံတွေ တင်ထားပါတယ်)

Thursday, September 9, 2010

ယောဂီကျောက်နဲ့ ဝိမာနတို့မြူးတဲ့ည


ကိုကြီးကျောက် မကျန်းမာတော့ ကိုကြီးကျောက်ကို ဘလော့ဂါနှမတွေက ရတနာသုံးပါးကို မမေ့မလျော့ နဲ့တရားဘာဝနာလေး ပွားများနေဖို့ အကြံပေးကြသဗျ၊ ကိုကြီးကျောက်ကလဲ ခေသူမှမဟုတ်ပဲ၊ ယောဂီကျောက် ရယ်လို့ တရားစခန်းတွေ ဝင်ခဲ့ဖူးသပေါ့ဗျာ..၊ကိုကြီးကျောက်ဘဝမှာ စတင်ပြီးတရားအားထုတ်ဖြစ်အောင် ဖန်တီးပေးခဲ့သူကတော့ ဗကပ လို့အမည်ရတဲ့ ဗမာပြည်ကွန်မြူနစ်ပါတီ ပေါ့ဗျာ...၊ဟင်......ဘယ်လို...ဘယ်လို....ဘာသာတရားကို မကိုးကွယ်မဆည်းကပ်တဲ့ ဗကပ တွေက ကိုကြီးကျောက်ကိုတရားအားထုတ်ဖို့ ကူညီပေးတယ်ဆိုတော့ နားများရှုတ်သွားကြလေသလားတော့ မသိဘူး၊


ကိုကြီးကျောက်တို့ ဘဓရ ကွင်းဆင်းစဉ်က မိုးမိတ်နယ် အနောက်ပိုင်း သပိတ်ကျင်းနယ် အရှေ့မြောက်ပိုင်း မှာတုန်းကပေါ့၊ အဲဒီအချိန်က ကိုကြီးကျောက်က field ထဲမှာအသောက်အစားလေးက ရှိတယ်၊ အင်း...နှမဖြစ်သူ မကေက ပက်ပုန်း ပြီးရင် ခွက်ပုန်းလေး အကြောင်းရေးပါဦးတဲ့......ကိုကြီးကျောက်ကို ပြောလာတယ်....၊ ကိုကြီးကျောက်က မယ်ချစ်တို့ ခရီးသွား post လို ၁, ၂, ၃, ၄ , ၅ တွေ ပက်ပုန်းကို ရေးမလားကြံနေတာ၊ ကိုကြီးကျောက်ငယ်ငယ်က ဖတ်ခဲ့ရတဲ့ ဆရာကြီး မဟာဆွေ၊ ဆရာကြီးဦးသုခ၊ ဆရာရဲထွတ် တို့ ဝတ္ထုတွေထက် ပိုပြီးတစ်တစ်ခွခွတွေ ရေးမိရင်ဖြင့် ရထားပေါ် ကတိုးနှာ ဆေးရောင်းသူလို အဘတို့က နှာသက်သက် ပါလို့ လူလည်ခေါင်ထုတ်ပြောရမဲ့အရေးတွေးမိလို့ ရှေ့မဆက်တော့ပါဘူး၊


ပက်ပုန်းမှာ မိန်းကလေးတွေ ဘဝရပ်တည်ရေးအတွက် ဘယ်လို လုပ်ကိုင်စားရတယ်ဆိုတာ သာမန်မိန်းကလေးတွေ သိဖို့မလွယ်သလို သွားနေကြပုရိသများ ကလဲ အချင်းချင်းသတင်းဖလှယ်ကြပေမဲ့ လူသိရှင်ကြားထုတ်ပြောဖို့ဆိုတာက ဗမာပြည်စာပေလောကက ကိုကြီးကျောက်တို့ ငယ်ငယ်ကလို လွတ်လွတ်လပ်လပ်မှ မရှိတာကိုး၊ ..


ကဲပါလေ...ယောဂီကျောက်တရားမှတ်ရအောင် ပက်ပုန်းကို တစခန်းရပ်ကြစို့လား....၊ကိုကြီးကျောက် မိုးမိတ်နယ်မှာဆင်းတုန်းက ခွက်ပုန်းလဲ မဟုတ်ဘူး၊ ချက်ပုန်း လဲ မဟုတ်ဘူး၊ ကိုယ်တိုင် ဗြောင်ချက် ဗြောင်သောက်တာကလား၊ ခေါင်ရေလဲဖောက်ပြီးသောက်တာပဲ....၊ အဲဒီအချိန်က အရက်ကို သွေးကကိုကြိုက်နေတာ...အရက်နံ့လေးရရင်ကို လျှာသတ်နေတာ၊ အဲဒီအချိန်မှာ မိုးမိတ်မြို့ကို ဗကပ ဝင်စီးတော့ ကိုကြီးကျောက်တို့နဲ့ ခြင်းခတ်ဖက် မြသန္တာတပ်စခန်း (အရင်ကတော့ မိုးကုတ်၊သပိတ်ကျင်း၊ မန္တလေး လမ်းဆုံမှာရှိတယ်၊ ခုတော့ စခန်းလဲရုတ်သိမ်းသွားပါပြီ) က ဗိုလ်ရဲမာန် တိုက်ပွဲကျရှာတယ်၊ ကိုကြီးကျောက်တို့ အဖွဲ့သားတွေလဲ ပြေးကြရတာပေါ့၊ သပိတ်ကျင်းကို ပြေးမလို့ကြံတော့ သပိတ်ကျင်းကမဆလ ပါတီကလူတွေ၊ ကောင်စီအဖွဲ့ဝင်တွေက ဧရာဝတီမြစ်လယ်မှာ မော်တော်တစီးနဲ့ ပြေးနှင့်ကြပေ့ါ၊...


လူမှန်းမသိအောင် မူးနေတဲ့ကိုကြီးကျောက်ကို မမူးတဲ့သူတွေက ကားပေါ်ဆွဲပစ်တင်ပြီး ပြေးကြတော့ ကိုကြီးကျောက်အမူးပြေချိန် ၅ မိုင်စခန်းရောက်တော့ စဉ်းစားမိတယ်၊ မူးနေတုန်း သေနတ်မှန်သေရင် ဘာမှန်းညာမှန်းမသိ သေဖို့ပဲရှိတယ် အရက်မသောက်ဖြစ်အောင်နေမှလို့ ဆုံးဖြတ်ကြည့်တော့၊ သာမန်ဖြတ်ယုံနဲ့ မရဘူး၊ ဒါနဲ့ သပိတ်ကျင်းက မိတ်ဆွေတွေက တောင်ပေါ်ကျောင်းမှာ တရားအားထုတ်နိုင်ဖို့ ပို့ပေးတာနဲ့ ယောဂီကျောက် ရယ်လို့စခဲ့ရတာပေါ့၊ ....၊


ဒီလိုနဲ့ တရားစခန်းတွေနဲ့ မကြာခန ထိတွေ့ရင်း ကိုကြီးကျောက် ဘဓရကနေ အလုပ်ထွက်တော့ မြင်းခြံမှာပြန်နေဖြစ်တယ်..၊ မြင်းခြံမှာ ကိုကြီးကျောက်ရဲ့ ငယ် ဥပစ္ဇျယ်ဆရာ ရတနာသိင်္င်္င်္ င်္ဂီဆရာတော်ဘုရားကြီးရှိတယ်၊ ဆရာတော်ကြီးက စွန်းလွန်းဆရာတော်ကြီးနည်းနာခံယူလို့ ကမ္မဋ္ဌာန်းတိုက် ဖွင့်ထားတယ်၊ နေ့စဉ် တရားနာ၊ တရားအားထုတ်လာကြသူယောဂီတွေက မနဲပေပဲကိုး၊ ဆရာတော်ကြီးကလဲ သီလသမာဓိနဲ့ပြည့်စုံလိုက်တာ...မြို့မိမြို့ဖတွေအားလုံးကိုးကွယ်ကြပေမဲ့ အာဏာပိုင်အဖွဲ့အစည်းတွေကတော့ မလာရဲကြဘူး၊ ဘာလို့လဲဆိုတော့ ဆရာတော်က မြင်းခြံ NLD အမတ် ဦးပေါခင်ရဲ့ ဦးလေးအရင်းပေက်ိုး.. ဘဘတို့သိရင်ငြိုငြင်မှာစိုးတော့ မလာရဲကြဘူးပေပေါ့..၊ မနှစ်က ဆရာတော်ကြီးဘဝနတ်ထံ ပျံလွန်တော်မူတော့ ရိုက်ထားတဲ့ video ခွေထဲမှာ ဆရာတော်ကြီးကိုမီးသဂြိုလ် တော့ ဓါတ်တော်လုံးတွေ တဖွားဖွားထွက်ကြတာ ရှင်းရှင်းကြီး လူတွေမြင်ကြရတာပေါ့၊


ကိုကြီးကျောက်ကိုယ်တွေ့ကတော့ ဆရာတော်ကြီးကျောင်းမှာ ဦးပဉ္ဇင်းဘဝနဲ့ နေစဉ်က မိုးမရွာရာသီဥတုကလဲပူပြင်းပြီး လူတွေရာသီဥတုဒဏ် ခံစားနေရတော့ ဆရာတော်ကြီးက ငရံ့မင်းပရိတ်ရွတ်လိုက်တာ ၇ ရက် ၇ လီပဲ၊ ၇ ရက်မြောက်ညမှာ ရာသီဥတုကြည်လင် လမင်းကြီးကလဲထိန်ထိန်သာနေရာကနေ ရုတ်တရက် မိုးသားတွေတက်လာပြီး ရွာလိုက်တာ သဲကြီးမဲကြီးပါပဲ၊ ဆရာတော်ကြီးရဲ့ သီလသမာဓိ စွမ်းအားထင်ပါရဲ့....၊


တနှစ် သင်္ကြန်ကာလမှာ ဆရာတော်ကြီးကျောင်းတိုက်မှာ တရားစခန်းဖွင့်ဖို့ ဒါယိကာတွေ စီစဉ်ကြပါလေရော...၊ အကြွေးအမွေးကအစ တာဝန်ယူကြတဲ့ ကုသိုလ်ရှင်တွေကလဲ အများသားကလား၊ ကိုကြီးကျောက်တို့ တပည့်ရင်း တကာရင်းတွေမှာလဲ လိုအပ်တာတွေ စီစဉ်ဆောင်ရွက်ပေးရတာ မနားရအောင်ပါပဲ၊ ပုံမှန်နေ့စဉ်လာနေကြ ယောဂီ တရာလောက်အပြင် စခန်းဝင်ကြတဲ့ ယောဂီတွေပါပေါင်းရင် လူ ၃၀၀ ကျော် ၄၀၀ နီးနီး မို့ နေရေးထိုင်ရေး ရေ၊ မီးပြည့်စုံရေးကအစ ဆောင်ရွက်ရတာကိုး၊ ညစဉ် ဆရာတော်ကလဲ တရားဟောတရားပြချိန်မှာ ယောဂီအားလုံး စုရုံးကြတော့ တရားခမ်းမထဲ ပြည့်ကြပ်နေပါရောလား....၊ ပန်ကာတွေ အသားကုန်ဖွင့်ထားပေမဲ့ နွေရာသီဆိုတော့ လူနံ့ ချွေးနံ့တွေ ဘယ်ပျောက်ပါ့မလဲ၊


ကိုကြီးကျောက်လဲ တရားလဲနာပြီးရော တရားမှတ်မယ်ဆိုတော့ ထိသိသတိ လေးကပ်ပြီး နှာသီးဝက လေတိုးဝင်တိုးထွက်တာလေး ရှုမှတ်ဖို့ အားရပါးရ အသက်ရှူသွင်းလိုက်ရော.......အမလေး........အင်မတန် ပုတ်ဟောင်လှတဲ့ အီးနံ့ကြီးက အလုံးအရင်းလိုက်ကို နှာခေါင်းထဲ ဝင်လာပါလေရော...ပုတ်တာကို ပုတ်တယ်လို့တောင် မမှတ်နိုင်ပါဘူး ပြာယီးပြာယာ အသက်အောင့်လိုက်တော့..လူလဲမရှူနိုင် မကယ်နိုင် ဖြစ်ပြီး ချောင်းတွေတဟွတ်ဟွတ် ဆိုးလာတာနဲ့ အသာအပြင်ကိုအမြန်ထွက်ခဲ့ရတယ်..၊


ဒါနဲ့ မွန်းကြပ်ပူလောင်လှတဲ့ မြို့ထဲတရားစခန်းကနေ အေးဆေးတဲ့ မြို့ပြင် လေသာကုန်းမှာပဲ တရားရှုမှတ်တော့မယ်ဆိုပြီး ဆရာတော်ကိုလျှောက်ပြီး လေသာကုန်းကျောင်းမှာ သွားနေတာပေါ့၊ လေသာကုန်းက ပေ ၁၀၀ကျော်လောက် မြင့်တဲ့ မြို့အရှေ့စွန်က ကုန်းတန်းလေး၊ လေသာကုန်းကနေကြည့်ရင် မြို့နဲ့ ဧရာဝတီမြစ်ကို စီးမိုးမြင်ရတဲ့နေရာလေး၊ လေသာကုန်းကိုရောက်ပြီး နောက်ညမှာတော့ စင်္ကြန်လျှောက်ရင်း တရားမှတ်ဖို့ အပြင်ထွက်လိုက်တော့ လေသာကုန်းနဲ့ မြို့အကြား ယာကွက်ထဲမှာ မီးလုံးတွေ ဝင်းဝင်း နဲ့ အပေါ်တက်လိုက်အောက်ဆင်းလိုက် လုပ်နေကြပါရောလား၊ မီးလုံးတွေ ၂ လုံးပြိုင်တက်လိုက်ကြ ၃ လုံးပြိုင်တက်လိုက်ကြနဲ့ ပူးလိုက်ခွာလိုက် အမျိုးမျိုးပါပဲ၊


ကိုကြီးကျောက်လဲ အဲဒီတော့မှ စဉ်းစားမိတယ်..အဲဒီညက တန်ခူးလကွယ်ညကိုး ... ကိုကြီးကျောက်တို့ငယ်ငယ် စုန်းသိုက်သမိုင်းကားတွေ ခေတ်စားစဉ်က ရွှေမန်းတင်မောင် ရိုက်တဲ့ ဝိမာနဇတ်ကားမှာ မင်းသမီး ဝိမာနက ညအခါစုန်းတောက်စားကို သတိရမိတာပေါ့..၊ ကိုကြီကျောက်တို့ အညာမှာက အမေက သမီးကို လက်ဆင့်ကမ်းဗူးသွင်းပေးတဲ့ စုန်းအတတ်ဆိုတာလဲ ရှိတာမျိုး၊ မြင်းခြံမြောက်ဖက်လက် တလုတ်မြို့နယ်၊ ချင်းတွင်းအနောက်ဖက်က ယောနယ်၊ ဗန့်ကျီနယ်တွေ မှာ ပညာသည်တွေတယ်ပေါတယ်လို့ လူပြောများကြသကိုး၊


ကိုကြီးကျောက်အဖေရဲ့ မိတ်ဆွေ ဆရာကြီးတယောက်ဆိုရင် ယောနယ်ကို ကျောင်းစစ်သွားရင်း စုန်းပညာအကြောင်း စကားစပ်မိတော့ အငြင်းပွားကြတော့ ရွာခံတယောက်က ဒီပညာသူတတ်ကြောင်းပြောသတဲ့၊ ဆရာကြီးကလဲ အသက် ၃၀ ကျော်လူငယ် ဒီပညာတွေလက်မခံသူဆိုတော့ သူ့ကို စုန်းပညာနဲ့ ပြုစားဖို့ပဲ တွင်တွင်ခိုင်းသတဲ့၊ ရွာခံပညာသည်ကလဲ ပြုစားတတ်ပေမဲ့ ပြန်နှုတ်ဖို့မလွယ်ကြောင်းပြောပြီး အတင်းငြင်းသတဲ့ ၊ နောက်ဆုံး ဆရာကြီးနောက် ဘယ်သူကိုမှ ဒီပညာမသုံးတော့ပါဘူးဆိုပြီး ပြုစားလွှတ်လိုက်တာ အဲဒီဆရာကြီး မကွေးပြန်ရောက်တော့ တရှောင်ရှောင်နဲ့ ရောဂါရှာမတွေ့ပဲ ဆုံးရှာတယ်..၊


စုန်းပညာသည်တွေက ဘယ်သူကိုမှ မျက်လုံးချင်းဆုံပြီး စကားပြောလေ့မရှိဘူးတဲ့၊ သူတို့က အမြဲမျက်လွှာချနေတတ်သတဲ့၊ စုန်းပညာသည်ကို မာန်စွယ်ချိုးချင်ရင် စုန်းပညာသည်ရဲ့ ဘိနပ်ကို သူသုံးတဲ့ သောက်တဲ့ရေအိုးမှာ လက်နောက်ပြန်ပေးပြီးတစုံတယောက်က ထည့်ထား၊ အဲသည်ရေကို ပညာသည်ကသုံးမိရင် စုန်းမာန်စွယ်ကြိုးသတဲ့၊ လူကြီးတွေဆီက ကိုကြီးကျောက်ကြားခဲ့ရတာမို့ ဟုတ်မဟုတ်တော့ မပြောနိုင်ပါဘူး၊ ဒါပေမဲ့ ကိုယ်တွေ့မျက်မြင်ကြုံခဲ့တာကတော့ လကွယ်နေ့ညမှာ စုန်းတောက်စားကြတာကိုပါပဲ.........။


ကိုကြီးကျောက် နေ့စဉ်ဆေးစား ၊ အပတ်စဉ်ဆေးသွင်း၊ သွေးစစ်လုပ်နေတာ တနေ့တခြားကျန်းမာရေး တော်တော်ကောင်းလာပါတယ်၊ ခု ကိုယ်တိုင်လဲ ကားမောင်းနိုင်ပြီမို့ ဟိုနားဒီနား ဈေးသွားငါးဝယ်လဲ သွားနိုင်နေပါပြီ၊ ခွဲမဲ့စိတ်မဲ့အချိန်ကို သေချာသိရရင်တော့ ပြောပါမယ်....။

(google ကပုံကိုရှာယူပါတယ်)

Friday, September 3, 2010

ငှက်ပျောသီးစားတဲ့မိတ်ဆွေများသို့


ကိုကြီးကျောက်တုိ့ ငယ်ငယ်ကအဆိုတော် မင်းမင်းလတ်ရဲ့ ငှက်ပျောသီးစားတဲ့ မိတ်ဆွေများသို့ တဲ့၊ သီချင်းတပုဒ်ရှိတယ်..၊ဒီသီချင်းရဲ့ မူလ အင်္ဂလိပ်သီချင်းကဘာလဲ ဘယ်သူဆိုတာလဲတော့ မမှတ်မိတော့ပါဘူး၊ ဒီအလိုက်နဲ့ပဲ အဆိုတော် ပုလဲက ဒီလိုဒီလိုလှ လို့ချစ်တယ်တအား ဆိုပြီးတခါဆိုထားသေးတယ်၊ အခု ထွန်းအိန္ဒြာဘို ပြန်ဆိုထားထင်ပါရဲ့...၊


ဒီ ငှက်ပျောသီးသီချင်းကိုနှစ်တွေကြာလို့မေ့နေပါပြီ၊ ဟိုတနေ့က ကိုZT ရဲ့ မနီလာ ခရီးသွားမှတ်တမ်း ဖတ်ပြီးတော့ စိတ်ထဲပြန်ပေါ်လာတော့တာပဲ၊ အဲဒီထဲမှာ သူရဲ့မိတ်ဆွေဖိလစ်ပီနို သူငယ်ချင်း အင်ဂျင်နီယာတွေက သူ့ကို မနီလာကချောင်ကျကျ ရပ်ကွက်တခုကိုသူ့ကိုခေါ်သွားပါသတဲ့၊ အဲဒီက အဖေါ်အချွတ် နိုက်ကလပ်တခုကိုဝင်ကြည့်ကြပါသတဲ့၊ အဲဒီမှာသောက်စားနေကြတော့ အတူလာတဲ့အင်ဂျင်နီယာတွေက တယောက်ပြီးတယောက် ကောင်မလေးတွေခေါ်ပြီး နောက်ခန်းထဲဝင်ဝင်သွားကြသတဲ့၊ ကိုZT က အင်မတန်ရိုးသားရှာလေတော့ ဘာကြောင့်ဝင်သွားမှန်းမသိသလို သူကိုယ်တိုင်လဲ ပြန်သာလာရော ဝင်မကြည့်ခဲ့ရှာဘူးတဲ့၊


ကိုကြီးကျောက်ကတော့ Snake Snake sees the legs ဆိုသလို မြွေမြွေချင်းခြေမြင်စွာနဲ့ ယုံပေးလိုက်ပါတယ်၊ သူခမြာထိုင်ရာကတောင်မထရှာဘူးတဲ့ (ထိုင်ခုံကို တယောက်ယောက်များ Super glue သုတ်ထားသလားတော့မသိဘူး) ၊ အဲဒီိနိုက်ကလပ်မှာ အံ့ဖွယ်သုတတွေ မြင်တွေ့ခဲ့ရသတဲ့ ၊ မိန်းကလေးတယောက်က ဆေးလိပ်သောက်ပြသတဲ့ ၊သူများတွေ သောက်သလို အပေါ်နှုတ်ခမ်းနှစ်လွှာ မဟုတ်ပဲ.. အောက်က နှုတ်ခမ်းနဲ့တဲ့၊ မီးခိုးတလူလူဝေအောင်သောက်နေတာ၊ ကိုကြီးကျောက်လဲ ဒါကိုဖတ်မိမှ ဘန်ကောက်မှာနေခဲ့စဉ်က ကျင်လည်ကြက်စား...အဲလေ ကျက်စား ခဲ့ဖူးတဲ့အရပ်တွေ စဉ်းစားမိပြီး ဒီသီချင်းလေးက ခေါင်းထဲဝင်လာတော့တာပဲ၊


ကိုကြီးကျောက် ဘန်ကောက်မှာနေစဉ်က သွားလေ့ရှိတာက ဆွိုင်နာနာ မှာရှိတဲ့ နိုက်ကလပ်တွေပဲ၊ အဲဒီ နာနာလမ်းမှာ ဗမာပြည်ကလူတွေ အများဆုံးဆေးလာကုတဲ့ ဘာမူရတ် ဆိုတဲ့ဆေးရုံကြီးလဲရှိတယ်၊ အဲဒီနာနာက နိုက်ကလပ်တွေက နိုင်ငံခြားသားပဲလက်ခံတယ် ၊ အများသိကြတဲ့ ပက်ပုန်း လို လူပေါင်းစုံမရှုတ်ဘူး၊ ပက်ပုန်းကတော့ အချဉ်ဖမ်းဖို့ ချောင်းနေတော့တာပဲ၊ ဒါပေမဲ့လဲ တခါတလေတော့ ပက်ပုန်းကို ရောက်ပါတယ်၊ ဧည့်သည်တွေလိုက်ပို့ရင်းပေါ့၊ super girl ကိုသွားလေ့သွားထရှိတယ်၊ super girl များကတော့ တကယ့်ကို super တွေပါပဲ...၊ ဟို ကော်ဖီမစ် ကြော်ငြာသလိုပြောရရင်...super မှ super.....၊


တခါတော့ ဗမာပြည်ကလာတဲ့ဧည့်သည်တွေက ပက်ပုန်းသွားချင်တယ်ဆိုတော့ ကိုကြီးကျောက်က လိုက်ပို့တာပေါ့၊ ကိုကြီးကျောက်က ထုံးစံအတိုင်း super girl ခေါ်သွားတော့ မဝင်ချင်ဘူးတဲ့၊ ကိုကြီးကျောက်မှာဖြင့် မချင့်မရဲနဲ့ အမြည်းပြနေတာလေးတွေ အပေါက်ဝကနေလိုက်ကြည့်နေရတယ်၊ အဲဒီက ကလပ်တွေက ဗမာပြည်ကဘုရားပွဲဈေးတွေမှာ ဒုတ်ထိုးရုပ်သေးပွဲကလို ကန့်လန့်ကာဖွင့်ပြီး နမူနာပြသလိုမျိုး ပြနေတာကိုး၊ ကိုင်း.....ဒါဖြင့် ဘယ်stripကလပ်ထဲ ဝင်မှာလဲဆိုတော့ Go Go boy တဲ့ ....၊ ဟင်ဘယ့်နှာကြီးပါလိမ့်ဆိုတော့ သူတို့က များ တို့အဖွဲ့တဲ့ ....ဘုရား...ဘုရား ...Go Go boy ကို လိုက်မပို့ရင်ဖြင့်ကိုယ်ကိုယ်တိုင် သူတို့ကိုချွတ်ကပြနေရင် ကိုယ့်အတွက် အန္တရာယ်မကင်း လှတာမို့ လိုက်ပို့ရသဗျ....စဉ်းစားသာကြည့်ပါတော့ခင်ဗျာ ..ဒီကောင်လေးတွေက ဝတ်ထားသမျှချွတ်ပြနေတာကို ကိုကြီးကျောက်က ဘယ်လိုလုပ်ပြီးကြည်နူးသာယာနေနိုင်ပါ့မလဲဗျာ....


ကဲ.......နာနာက strip club တွေဆီပြန်သွားကြစို့..၊ နာနာက ကလပ်ထဲကို ဝင်လိုက်တာနဲ့ ကလပ်အလယ် ဇတ်ခုံရဲ့ မီးမှိတ်တုပ်မှိတ်တုပ်အောက်မှာ ကောင်မလေးတွေက တခုချင်းချွတ်ပြီးတိုင်ပတ်ကနေကြတာပေါ့ဗျာ ချွတ်စရာကလဲများများ မရှိတော့ ခနလေးနဲ့သူတို့ကိုယ်ပေါ်မှာ ဘာမှတောင်မရှိတော့ဘူး၊ အဲဒီ ဇတ်ခုံပတ်လည်မှာ ဘီယာတင်စရာနေရာနဲ့ ထိုင်ခုံတွေကလဲ ချထားတယ်...၊ ကိုကြီးကျောက်ရောက်တော့ ထိုင်စရာနေရာက ဇတ်ခုံကိုမေးချိပ်ကြည့်ရတဲ့ နေရာမှာပဲထိုင်စရာရှိတယ်...အင်း..အနီးကပ်ရှုစားနိုင်တာပေါ့လေ...၊


ခနနေတော့ အမျိုးသမီးစွမ်းဆောင်ရှင်များရဲ့ အစွမ်းပြပွဲတွေ စတော့တာပါပဲ၊ တယောက်က သူပိုင်အပေါက်တခုထဲကနေ ဖဲကြိုးတွေဆွဲတုတ်ပြလိုက်တာ ပေ ၁၀၀လောက်ရှိမယ်ထင်တယ် ၊ဘယ်လိုများထည့်ထားသလဲတော့မသိဘူး၊ ဟော....နောက်တယောက်က ပန်းကုံးတွေထုတ်ပြလိုက်...နောက်တယောက်က မုတ်ဆိတ်ရိတ်ဒါးတွေ ကြိုးနဲ့သီထားတာကို မရှမနာအေင်ဆွဲထုတ်ပြလိုက်...တခါ စုတ်တံကိုကိုက်ပြီး (ပါးစပ်နဲ့ ကိုက်တာမဟုတ်ဘူးနော်) ပန်းချီဆွဲပြလိုက်တာ တကယ့်မော်ဒန်ပန်းချီကားပဲ ကိုကြီးကျောက်ဖြင့် လူလား..ခွေးလား..သစ်ပင်လား ဘာပုံမှန်းကိုမသိဘူး၊ ကင်းဗတ်စပေါ် ကြောင်နှစ်ကောင်ကို ဆေးသုတ်ပြီး ဆော့ထားသလိုမျိုးကိုလက်ရာမြောက်တာ၊ သူတို့ထဲက ဥက္ကဋ္ဌ ဆရာမကြီးကတော့ ပြောင်းလေးတပ်...မျှားတချောင်းပြီး တချောင်းထည့်လို့ပစ်လိုက်တာ ကပွဲခုံပေါ်မှာချိပ်ထားတဲ့ ပူဘောင်းတွေ ...တဒိုင်းဒိုင်း..နဲ့မျှားမှန်ပြီးပေါက်ကုန်တာပဲ ၊


အဲဒီအချိန်မှာ ကိုကြီးကျောက်က ကောင်မလေးတယောက်ကို ပေါင်ပေါ်တင်ပြီး ကြူနေလိုက်တာ သူတို့ဘာတွေအစွမ်းပြနေသလဲတောင် သတိမထားမိတော့ဘူး၊ ကိုကြီးကျောက်က ဘီယာပုလင်း ယူမလို့ ကပွဲခုံပေါ်ကြည့်လိုက်တော့ သီးမွှေးငှက်ပျောသီးစားပြနေတာတော့ မြင်လိုက်တယ် ( မှတ်ချက်။ ။ ပါးစပ်ဖြင့်စားခြင်းမဟုတ်) ၊ ကိုယ်ကလဲ ကိုယ့်အာရုံနဲ့ကိုယ် ဆိုတော့ ဇတ်ခုံကိုဘေးတိုက်ထားပြီး ပေါင်ပေါ်က ကောင်မလေးကို ပွတ်သီးပွတ်သတ် လုပ်နေချိန်မှာ.....ကိုကြီးကျောက် နားထင်ကို ဒုတ်ကနဲ..တစုံတရာလာမှန်လို့ ကြည့်လိုက်တော့....လား..လား.. ငှက်ပျောသီးတလုံးဗျ...၊လက်စသတ်တော့ ကပွဲခုံပေါ်ကစွမ်းဆောင်ရှင်မလေးက သူစားထားတဲ့ငှက်ပျောသီးကို ညှစ်ထုတ်ပြီး ကိုကြီးကျောက်ကို အလစ် နားထင်မှန်အောင်ဆော်ထည့်လိုက်တာကိုး...ကိုကြီးကျောက်မှာဖြင့် ကိုယ့်ရှေ့က ငှက်ပျောသီးကို ကောက်စားရမှာလိုလို...လာဘ်ကောင်းအောင် အဆောင်လုပ်ပြီး သိမ်းထားရမှာလိုလို...လိုလိုတွေနဲ့ ဇဝေဇဝါတောင်ဖြစ်သွားတယ် ၊ကောင်မလေးတွေကတော့ ကိုကြီးကျောက်အမှန်ခံရတာကို သဘောတွေကြလို့ လက်ခုပ်တွေ တီးသဗျ ၊ ကိုကြီးကျောက်ကတွေးမိတာက ...ဟယ်...ငှက်ပျောသီးအမှန်ခံရတာ နားထင်တွေ ထူပူသွားသေးတာ နောက်တရှိုးကြ အုန်းသီးဆိုရင်ဖြင့် တခါထဲ ပွဲချင်းပြီးလောက်တယ်.. မဖြစ်ချေဘူးဆိုပြီး ပေါင်ပေါ်တင်ထားတဲ့ ကောင်မလေးကို ခေါ်ပြီးနီးရာ ဟိုတယ်ပြေးခဲ့ရကြောင်းပါခင်ဗျာ....


ကိုကြီးကျောက် ခုဆေးရုံက ဆင်းလာပြီးအိမ်မှာအားမွေးနေပါတယ်..ဆေးရုံက ဆင်းလာတဲ့ တပတ်အတွင်းမှာ ၂ခါလောက် သွေးထပ်စစ်ပြီး ဆရာဝန်က ခွဲစိပ်ဖို့ရက်ချိန်းကိုစောင့်နေဆဲပါ၊ နေ့လည်က နှမဖြစ်သူ ချိုသင်း ဥရောပက ခရီးရောက်မဆိုက် စိတ်ပူပန်စွာဖုန်းဆက်တာကို လူနာကိုကြီးကျောက်က ဟေး..ဟေး..ဟားဟား..နဲ့ ဖုန်းပြန်ပြောလို့ စိတ်အေးသွားပုံပါပဲ ၊ဂျာမနီမှာတုန်းက မအယ်နဲ့ ချိုသင်းတို့ ကိုကြီးကျောက်ဆီဖုန်းဆက်တုန်းက လေသံကပျော့သေးတယ်လေ..ခုတော့ ဘလော့ဂ် မောင်နှမတွေ ၊ စာဖတ်ပရိဿတ်ညီအကို မောင်နှမတွေ ပို့သတဲ့မေတ္တာကြောင့် ကျန်းမာရေး အထူးကို ကောင်းမွန်နေပါကြောင်း၊ ဒါပေမဲ့ခွဲစရာရှိတာတော့ ခွဲရမှာပေါ့လေ.. အားလုံးကို အထူးကျေးဇူးတင်ကြောင်း ပြောပါရစေ.......။


(ဂူးဂယ်က ပက်ပုန်းပုံယူထားတာပါ)