မေ့အပေါ်ဝယ် အသွင်မတူလို့လား

ကိုကြီးကျောက်တို့ ဗမာစကားမှာ အသွင်မတူအိမ်သူမဖြစ်တဲ့.... ဆိုရိုးစကားရှိကြတာ၊ ဟုတ်လဲဟုတ်ပါရဲ့ ကိုကြီးကျောက်တွေ့ဖူးတဲ့ အိမ်ထောင်တော်တော်များများမှာ အသွင်တူတာလေးတော့ အနဲနဲ့အများရှိကြတာချည့်ပါပဲ၊

ကိုကြီးကျောက်ရဲ့ အမေမှာ အရင်းအချာမောင်နှမရယ်လို့မရှိပေမဲ့ တဝမ်းကွဲတွေကတော့ အများကြီးပါပဲ၊ ကိုကြီးကျောက်ရဲ့ အမေ့ညီမဝမ်းကွဲတယောက်က ဒေါ်ခင်ကြည်တဲ့၊ သူ့အိမ်ထောင်ဖက်က ဦးတင်အေးတဲ့၊ ဦးတင်အေးဆိုတာ မင်းသားရွှေဘ ခေတ်ကောင်းစဉ်က သမတလူကြမ်းအဖွဲ့ကပေါ့၊ ချီးဘူး၊စံတင်၊ညိုအေးကြီး၊ဌေးဝင်း၊တင်အေးကြီး ဆိုတာသမတလူကြမ်းအဖွဲ့တွေပေါ့၊( အဲဒီတုန်းက သမတရုပ်ရှင်လို့ စာလုံးပေါင်းပါတယ်၊ သမ္မတ လို့မပေါင်းဘူး)၊ ဦးတင်အေးက မဂိုကုလားစပ်၊ အရပ်ထောင်ထောင်မောင်းမောင်း၊ ရုပ်လဲမဆိုးဘူး၊ ဒါပေမဲ့ စကားပြောသရုပ်ဆောင်မရတော့ လူကြမ်းဘဝနဲ့ အရိုးထုတ်ရတာပဲ၊ ဦးတင်အေး လူကြမ်းမဖြစ်ခင်က စက်ချုပ်သတဲ့၊ Coat တွေ Suit တွေချုပ်တာ၊ အင်မတန်လက်ရာကောင်းတာပေါ့၊ ဒါပေမဲ့ သူက ရုပ်ရှင်ကိုအင်မတန် ဝါသနာပါတော့ စက်မချုပ်ပဲ မြင်းခြံက ဂုဏ်ရုံမှာ ရုပ်ရှင်ရုံပေါက်မှာ လက်မှတ်စောင့်သွားလုပ်နေသတဲ့၊ ကိုကြီးကျောက်တို့ အဒေါ်ကလဲ ရုပ်ရှင်ဝါသနာခပ်ပါပါဆိုတော့ ညားကြလေသတည်းပေါ့၊ အဲဒီက စလို့ မင်းသားကျော်ဆွေတို့ ရွှေဘတို့နဲ့ ဆက်သွယ်မိပြီး ရုပ်ရှင်ထဲမှာ ပျော်ပျော်ကြီးနေကြတာ အသက်ကြီးမှ အညာပြန်လာကြတော့တာပဲ၊ သူတို့ချင်းက ဘာသာလဲမတူ၊ အသွင်မတူတာခပ်များများပေမဲ့ ဝါသနာတူကြတာနဲ့ သေတပန်သက်ဆုံးပေါင်းသွား ကြတာပဲ၊

ကိုကြီးကျောက်တို့ကတော့ အသွင်တူတာတွေ မတူတာတွေ ထည့်မစဉ်းစားပါဘူး၊ ငယ်ငယ်ကတော့ လှတာမြင်ရင်ကြိုက်ပလိုက်တာပဲ၊ အတူတူတွဲတာကြာလာတော့မှ အသွင်မတူတာတွေက ပေါလောကြီးပေါ်လာတာကိုး၊

၊ ကိုကြီးကျောက်ကတော့ ယောင်္ကျားနဲ့မိန်းမ အသွင်မတူတာကြောင့် ဖြစ်ပေါ်လာတဲ့ ခြားနားချက်ကိုတော့ ထည့်ဂရုမစိုက်ပါဘူး၊ ကိုကြီးကျောက်တို့က အပြင်သွားမယ်ဆိုရင် ၅ စက္ကန့်လောက်အချိန်ယူပေမဲ့ သူတို့ကိုကြ ၂ နာရီလောက်စောင့်ရတာမျိုး ၊အစားအသောက်ဆိုရင်လဲ မိန်းမသဘာဝ ချဉ်ချဉ်စပ်စပ် လက်သုပ်တွေ၊ မုံ့ဟင်းခါးဆိုတာမျိုးတွေ သူတို့ကကြိုက်ပေမဲ့ ကိုကြီးကျောက်က လုံးဝမကြိုက်...သို့သော်ကိစ္စမရှိ၊ အဲ...ခြေလေးချောင်းမစားဘူးတို့၊ ငါးဆိုရင်အကြေးပါမှတို့ ဂဂျီဂဂျောင်တွေနဲ့ ဆိုရင်တော့ ဘယ်ဆိုင်မှာစားရမလဲဆိုတာ ကိုကြီးကျောက် ခေါင်းစားရပြီ၊ ကိုကြီးကျောက်ကတော့ ၄ချောင်းမကဘူး ရှစ်ချောင်းလဲစားတာပဲ( ရေဘဝဲကိုပြောတာ)၊ ခြေမပါတဲ့ မြွေတို့ တီကောင်တို့( တနင်္သာရီကမ်းရိုးတန်း beach တွေမှာရှိတဲ့ သဲပလုတ်ဟာ တီကောင်တမျိုးပါ ၊စားလို့ကောင်းတယ်) လဲစားတာပဲ၊

အစားအသောက်အသွင်မတူတာကလဲ ကိုကြီးကျောက်အတွက် ပြဿနာမဟုတ်ပါဘူး၊ ကိုကြီးကျောက်အသက် ၃၀ နားနီးလာတော့ ကိုယ့်အိမ်ထောင်လေးနဲ့ ကိုယ် နေချင်စိတ်ဖြစ်လာပြီး မိန်းမလိုချင်စိတ်တွေက တဖွားဖွားဖြစ်လာတော့တာပေါ့၊ ကိုင်း... ဒီလိုဆိုရင်ဘယ်သူကို ယူမလဲစဉ်းစားစမ်း...စဉ်းစားစမ်း.. ဆိုတော့၊ ဆယ်ကျော်သက်က ချစ်လက်ဟောင်းကိုပဲ ပြန်ပြီးသတိရတော့တာပေါ့၊ သူနဲ့ကိုယ်နဲ့က ရည်းစားသက် က ဆယ်မိုးဆယ်နွေ၊ ဒါပေမဲ့ သူ့အဖေက သဘောမတူတော့ မျှော်လေလေဝေး ဖြစ်နေတာပေါ့၊

ဒါနဲ့ သူငယ်ချင်းတယောက် အိမ်မှာ ချိန်းပြီးတွေ့ကြတော့ ကိုကြီးကျောက်က သူ့ကို ယူကြရအောင်လို့ ပြောတော့ ခါးခါးသီးသီး ငြင်းသဗျ၊ အဖေနဲ့ မဖြစ်ပါဘူးတဲ့.. ဒါက ကိုယ်လဲသိသားပဲ၊ သူကလဲ သူ့အဖေကို ဘယ်လိုမှလွန်ဆန်ဝံ့ပုံမရပါဘူး၊ ကိုယ်ကတော့ ငိုပြတာပေါ့၊ မောင့်အပေါ်ဝယ်...ဂုဏ်ရည်မတူလို့လား...ဘာလားညာလားပေါ့လေ၊ ဟင်း..တကယ်တော့ဘာမှ မဆိုင်ဘူး၊ အဲ..သူတို့ကချမ်းတော့ ချမ်းသာတယ် ၊သူတို့စီးပွားရေးလုပ်ငန်းတွေ ပြည်သူပိုင်သိမ်းခံရပြီးကထဲက သူအဖေက သေသာသေရော ဘာစီးပွားရေးမှမလုပ်တော့ပဲ နှစ်ပေါင်း ၃,၄ ဆယ် ထိုင်ပြီးစားနေတာ၊ နောက်တသက်တောင်စားမကုန်ဘူးတဲ့၊

ဒါနဲ့ ကိုကြီးကျောက်မိန်းမ ယူဖို့ကိစ္စဟာ သောင်မတင်ရေမကျနဲ့ ကိုကြီးကျောက်လဲ စင်ကာပူထွက်လာတော့ ခနနားသွားတော့တာပဲ၊ စင်ကာပူမှာကြ ကိုကြီးကျောက်က ရွှေကျင်ရတာဝါသနာမပါဘူး၊ ဖားပဲထွက်ရိုက်တယ်၊ စင်ကာပူနေတဲ့ ညီငယ်များကတော့ ရွှေကျင်တာ ဖားရိုက်တာကို နားလည်ကြပေမဲ့ တခြားမှာနေတဲ့ ညီငယ်တွေကိုတော့ နဲနဲတော့ ပြောပြရမှာပေါ့လေ၊ ရွှေကျင်တာကတော့ ကိုယ့်ရွှေဗမာချင်း အတည်ပဲဖြစ်ဖြစ် အပျော်ပဲဖြစ်ဖြစ် တွဲကြတာကိုး၊ ဖားရိုက်တာကတော့ ဖိလစ်ပီနိုမတွေကို ဖန်ထားတာလို့ပဲ ပြောပရစေတော့၊ သူတို့နဲ့ကိုယ်နဲ့ ဓလေ့စရိုက်ဘာသာ ဘာမှမတူတော့ ကြာရှည်လက်တွဲဖို့ကတော့ မလွယ်လှပါဘူး၊

အသေးစိတ်ကွဲပြားချက်ကလေးတွေ အသွင်မတူတာလေးတွေက အတော်များလှတာမို့ ကိုကြီးကျောက်သေချာရေးမပြတော့ပါဘူး၊ ဖားမတွေရဲ့ ဩဝါဒအတိုင်းပဲ လိုက်နာကျင့်သုံးပေးရတာပေါ့လေ၊ သူတို့ကတော့ရှင်းပါတယ် ယောင်္ကျားနဲ့ မိန်းမဟာ အပြန်အလှန်လိုအပ်တဲ့ အဟာရတွေဖြစ်တာကြောင့် ကိုယ်စားချင်ရင်စားမှာပဲတဲ့.......ဟုတ်ကဲ့ ..ကိုကြီးကျောက်ကလဲ သူတို့စားချင်ရင် သွားပြီးအစားခံပေးပါတယ်..၊ ဝတ္တရားမပျက်စေရပါဘူး၊

ဒီလိုနဲ့ ကိုကြီးကျောက် ဗမာပြည်ကို ပြန်တော့ ကိုယ့်ပတ်ဝန်းကျင်မှာ အပြောင်းအလဲတွေက အတော်များနေတာ တွေ့ရသဗျ၊ စီးပွားရေးလုပ်ငန်းတွေ အဆင်ပြေနေတဲ့ သူငယ်ချင်းတွေက စမောလေးတွေ ကီပင်းလေးတွေ ကိုယ်စီနဲ့ဗျ၊ ကိုကြီးကျောက်မှာသာ ဖြစ်ဖြစ်မြောက်မြောက် မိန်းမတယောက်တောင်မရသေးတာ၊ ဒီမိန်းမမရရင် သတ်သေပါ့မယ် တကဲကဲ ကောင်ကလဲ စမောလေးနဲ့ဗျ၊ ဒါနဲ့ ကိုကြီးကျောက်လဲ သူ့မိန်းမကို ဟဲ့....မိလုံး...နင် ရာထူးတိုးနေဆိုပါလား ဆိုတော့ မိလုံးက ဟဲ့ ကောင်ရဲ့ မယားငယ်ဆိုတာ နာမည်တင်ငယ်တာမဟုတ်ဖူး အသက်ကလဲငယ်သဟဲ့..ငါ့အသက်က ပြန်ငယ်လို့မှမရတာ ..ဒင်းကို ငါ့မှာ ကြိုးရှည်ရှည်နဲ့လှန်ထားပြီး ချည်တိုင်ပြန်လာအောင်ပဲ ထားနေရတယ်တဲ့၊ ကဲ....သူတို့ချင်း အပေးအယူမျှနေတော့လဲ ပြီးတာပါပဲလေ၊

ကိုကြီးကျောက်ပြန်ရောက်ချိန်မှာ မတော်ရသေးတဲ့ ယောက္ဖတဝမ်းကွ္ဖဲတွေက သတင်းပေးကြသဗျ၊ ငယ်ချစ်ကြီးရဲ့ အဖေသေပြီမို့ ငယ်ချစ်ကြီးကို ယူဖို့အချိန်ကောင်းပါပဲတဲ့၊ သူနဲ့ကိုယ်နဲ့က အဲဒီအချိန်မှာ...ရည်းစားသက်က အနှစ် ၂၀ ကျော်ပြီ၊ လူချင်းမတွေ့ရတာကလဲ ၁၀နှစ် လောက်ရှိပြီ၊ ဒါနဲ့ ကိုကြီးကျောက်လဲ သူ့အဖေမရှိတော့ဘူးဆိုတော့ သူ့အိမ်ကို ဝင်လို့ထွက်လို့ ရပြီဆိုတာ သိပြီလေ၊ အရင်ကတော့ သူတို့အိမ်က တံခါးကအမြဲပိတ်ထားတာကိုး၊ ကိုကြီးကျောက်လဲ အချိန်ဆွဲမနေတော့ ပါဘူး၊ သူ့အိမ်ကိုသွားတော့ သူကဧည့်ခန်းထဲကို ဆင်းလာတယ်၊ ကိုကြီးကျောက်နဲ့ မျက်နှာချင်းဆိုင် ထိုင်ခုံမှာဝင်ထိုင်လိုက်တော့

အလို.......ကိုကြီးကျောက် လွန်ခဲ့တဲ့ အနှစ်၂၀ လောက်က စွဲလမ်းခဲ့...တပ်မက်ခဲ့ ...အရူးအမူးဖြစ်ခဲ့ရတဲ့ သူ့ရဲ့ အသွင်....အလှတွေဟာ ၆၀%လောက် ပျောက်ကွယ် သွားပါပေါ့လား....၊လည်ပင်းမှာလဲ အရစ်ရစ်တွေနဲ့ ဗိုက်ခေါက်ကလဲပူလာ၊ အသက်၄၀ နားနီးလာတဲ့ မိန်းမကြီးတယောက်ရဲ့အလှဟာ ဘယ်မှာ ဆယ်ကျော်သက်လေးလို ငွားငွားစွင့် လှနိုင်ပါတော့မလဲလေ....၊ ကိုကြီးကျောက်မျှော်လင့်လာခဲ့ တာနဲ့ တော်တော်ကြီးကွာခြားနေတာမို့ ကိုကြီးကျောက်ဖြင့် ဘာတောင်ဆက်ပြောရမှန်းမသိနိုင်ပါပဲ၊ ကိုကြီးကျောက်လဲ သူငယ်ချင်းတယောက်လို နှုတ်ဆက်စကားပဲ ပြောပြီးပြန်လာခဲ့တော့တယ်၊ လက်ထပ်ချင်တဲ့အကြောင်းတော့ မပြောခဲ့တော့ပါဘူး၊

ဪ.......ယောင်္ကျား...ယောင်္ကျား...၊အသက်ကြီးလေ မြက်နုကြိုက်လေ ယောင်္ကျားသဘာဝပါပဲ၊ ကိုကြီးကျောက်ကို အမျိုးသမီးသူငယ်ချင်းတွေက အချစ်စစ်အချစ်မှန်မဟုတ်ဖူး ဘာဘူး ညာဘူး နဲ့ ဆဲကြပေမဲ့ ကိုကြီးကျောက်ကတော့ မျှော်လင့်လာတဲ့ အသွင်နဲ့ မေက အသွင်မတူတော့တာမို့ ချစ်ရေးကြိုက်ရေး အိမ်ထောင်ရေးကို မပြောတော့ပဲ....အိမ်ရှောင်ပြေးခဲ့ရကြောင်းပါခင်ဗျာ....။ ။

နှမဖြစ်သူ မယ်သက် ရေးခိုင်းထားတဲ့ tag post ပါ ။ ကွန်ပျူတာရှေ့ ကြာကြာသိတ်မထိုင်နိုင်သေးလို့ တနေ့တနေ့ နဲနဲချင်းရိုက်လာတာ ခုမှပဲပြီးတော့တယ်၊ အားလုံးကျန်းမာရွှင်လန်းကြပါစေ။

(ပုံကို google မှယူပါသည်)