ကိုကြီးကျောက် အခုရောက်နေတဲ့ နေရာက ဖလော်ရီဒါပြည်နယ် Stuart ဆိုတဲ့မြို့လေး၊ တကယ့်ကို ခပ်သေးသေးမြို့လေး၊ ရန်ကုန်နားက တိုက်ကြီးတို့ ဥက္ကံတို့၊ မန္တလေးနားက စဉ့်ကိုင်တို့ မတ္တရာ တို့လို မြို့လေးမျိုး၊ ပြီးခဲ့တဲ့လကတော့ ကိုကြီးကျောက် တရှောင်ရှောင်နဲ့ နေမကောင်းချင်ဘူး၊ ပထမ ခြေဖမိုးလေးတွေယောင်လာတယ်၊ လူကလဲ ခပ်ရွတ်တွတ်တွတ် ဆိုတော့ သိတ်အရေးစိုက်မနေဘူး၊ ပေပေတေတေနဲ့ ဆက်နေလိုက်တာ ဒီလထဲလဲရောက်ရော ကိုယ်တွေ လက်တွေပါ ယောင်လာတယ်၊ ဒီတော့မှ....ဟယ်.....မဖြစ်ခြေတော့ဘူး ဆိုပြီး၊ အနီးနားက ကောင်တီဆေးခန်းကို သွားပြဖြစ်တော့တယ်။ဆေးခန်းလဲရောက်ရော ဆေးခန်းကဆရာဝန်က အပြင်ပန်းစမ်းသပ်စစ်ဆေးပြီး ချက်ချင်း ဆေးရုံအရေးပေါ်ဌာနကို ပို့လိုက်တော့တာပဲ၊ ကိုကြီးကျောက်ရောက်နေတာက မာတင်ကောင်တီ(မြို့နယ်)ဆေးခန်းဆိုတော့ မာတင်အထိမ်းအမှတ်ဆေးရုံကို ပို့လိုက်တာပေါ့လေ၊ ဆေးရုံကလဲ ရောက်တယ်ဆိုရင်ပဲ ကိုကြီးကျောက်ရဲ့ နာမည်၊ အသက် စတဲ့အချက်အလက်တွေမေးပြီးတော့ ချက်ချင်း အရေးပေါ်လူနာခန်းပို့လိုက်တော့တာပဲ၊ ဟင်..ဆေးရုံကလဲ ဆေးရုံနဲ့မတူလိုက်တာ...ဆေးနံ့လဲမနံဘူး၊ အဲဒီနောက်ကိုကြီးကျောက်ရဲ့ လက်မှာ ကိုကြီးကျောက်ရဲ့ နာမည်၊မွေးနေ့သက္ကရာဇ်၊ လူနာမှတ်ပုံတင်နံပါတ်၊ ဘားကုတ် တွေပါတဲ့ လက်ပါတ်တခု ပတ်ပေးလိုက်တယ်( ရွှေစင်ဦးလို လူနာယောင်ဆောင်ပြီး ဆေးခန်းကို တပတ်ရိုက်လို့ မရတော့ဘူး)၊
လူနာခန်းလဲရောက်ရော ကိုကြီးကျောက်ကို ဆေးရုံအဝတ်တွေလဲပေး၊ သွေးပေါင်တိုင်း၊သွေးတွေဖေါက်၊ ဆီးတွေယူ၊ ECG ရိုက် ၊အစုံလဲလုပ်ပြီးရော သူနာပြုဆရာမက ကိုကြီးကျောက်ကို ခနနားပြီး TVကြည့်နေတဲ့၊ ကိုကြီးကျောက်ရဲ့လူနာကုတင်ကို ကျောမှီထိုင်လို့ရအောင် ခေါက်ပေးပြီး တပေလောက်ရှိတဲ့ TVအပြား လေး ကိုကြီးကျောက်မျက်နှာရှေ့ထိုးပေးထားခဲ့တယ်၊ ကိုကြီးကျောက်လဲပျင်းပျင်းနဲ့ TV ထိုင်ကြည့်နေလိုက်တာ... ဘာမှန်းမသိတဲ့ လူတစုက ဘယ်နေရာမှန်းမသိတဲ့ကျွန်းပေါ်မှာ ဘာလုပ်ဖို့မှန်းမသိပဲ လျှောက်သွားနေချိန်မှာ မင်းသမီးရဲ့နောက်က ဘာကောင်ကြီးမှန်းမသိတာကြီးက လျှာတစ်လစ်နဲ့ရောက်လာပါလေရောလား..၊ ကိုကြီးကျောက်လဲစိတ်ပူပင်စွာနဲ့ မင်းသမီး...နောက်မှာ..နောက်မှာ...ဆိုပြီး ကုတင်ဘေးတန်းကို လက်နဲ့ဆုတ်လဲ ဆုတ်လိုက်ရော......
ဝုန်းကနဲ...ကုတင်က ပက်လက်လန်သွားပါရောလား၊ အမလေး...လန့်သွားတာ လိပ်ပြာလွင့်သွားသလား အောက်မေ့ရတယ်၊ ကုတင်ဘေးက ခလုတ်ကို နှိပ်မိတာကိုး၊ ကိုကြီးကျောက်ဖြင့် ဗမာပြည်မှာဆေးရုံတွေ တက်ခဲ့ပါ့ဗျာ၊ ဘယ်ဆေးရုံမှ ဒီလိုအလန့်တကြားကုတင်မှာ မအိပ်ခဲ့ရပေါင်၊ သစ်သားကုတင်လေးပေါ် ကြမ်းပိုးတွေစီနေတဲ့ ၊ဘာအကွက်တွေ ပေနေမှန်းမသိတဲ့၊ ညစ်ထပ်ထပ်ဆေးရုံမွေ့ယာလေးနဲ့ စိတ်အေးလက်အေး အိပ်ခဲ့ရတာ၊ ဒီလို အလန့်တကြားတွေမရှိပေါင်၊ ချက်ချင်းပဲသူနာပြုလေးက ပြေးလာသဗျ၊ ဒီအချိန်မှာ ကိုကြီးကျောက်ကိုသွင်းထားခဲ့တဲ့ ဆေးကအစွမ်းပြလာပြီ၊
၅မိနစ်တခါလောက် ဆီးသွားချင်လာတာ၊ အိမ်သာက အခန်းထဲမှာ၊ ၄,၅,၆လှမ်းလောက် သွားရင်ရောက်ပြီ်၊ ဒါပေမဲ့ သူနာပြုအကူမလေးက ကုတင်ပေါ်က အဆင်းမခံဘူးဗျ၊ ဆီးအိုးနဲ့သွားခိုင်းတယ် ၊ အမယ်...သူကိုယ်တိုင်ခွက်နဲ့ စွပ်မပေးယုံတမယ်ပဲ၊ ဂရုစိုက်ပုံများက၊
ကိုကြီးကျောက်တော့ မန္တလေးဆေးရုံကြီး တက်ခဲ့ရတုန်းက အိမ်သာကို သတိရမိပါ့ဗျာ၊ မန္တလေးမှာကိုကြီးကျောက်တက်ခဲ့ရတဲ့ ward က ဆောက်ထားတာသိတ်မကြာသေးဘူး၊ ၂၉ လမ်းဖက်ကိုမျက်နှာပြုထားတာ ၄ ထပ်လားရှိထင်ပါရဲ့၊ ကိုကြီးကျောက်အိမ်သာသွားတော့ အပေါက်ဝလဲရောက်ရော....အလို...အိမ်သာခန်းထဲမှာ ရေတွေပြည့်လျှံနေလိုက်တာ ဧရာဝတီမြစ်ထဲ ဝါဆိုဝါခေါင် ရေဖောင်ဖောင်ဆိုသလိုပါပဲ၊ အဟင်း...ဒါပေမဲ့ မပူပါနဲ့လေ...၊ မြန်မာ့နည်းမြန်မာ့ဟန်နဲ့ အုတ်ခဲလေးတွေ စီချထားတယ်၊ ကိုကြီးကျောက်လဲ အုတ်ခဲလေးပေါ် ဆင်ထီးယဉ်သာလေး လျှောက်ပြီး ပထမတခန်းလဲဖွင့်လိုက်ရော.....အမလေး......ခြတောင်ပို့ကြီးလိုပါပဲဗျာ၊ ဒါနဲ့ ကဗျာကယာပိတ်ပြီး နောက်တခန်းလဲဖွင့်လိုက်တော့...ဟင်း...ဒါလဲအတူတူပဲ...အမယ် ...သူက တုတ်ချောင်းလေးတွေ စိုက်နေတာတောင်ပိုသေး၊ နောက်ထပ် ထပ်မကြိုးစားတော့ပဲ ကိုကြီးကျောက် အောင်မြင်စွာပြန်လှည့်လာခဲ့ရသဗျ၊
ကိုကြီးကျောက်ကုတင်ကို ခနနေတော့ အခန်းတခုထဲ တွန်းခေါ်သွားရော၊ အဲဒီအခန်းထဲမှာ ကိုကြီးကျောက်ဗိုက်ကိုလှန်လျော ဆေးကြောပြီး ဝိုင်ယာကြိုးတွေတပ်၊ စမ်းသပ်ကြ၊ အဲဒီနောက်တော့ နံဘေးကနေ အပ်နဲ့ ကိုကြီးကျောက် ဗိုက်ထဲကရေတွေဖောက်ထုတ်လိုက်တာ 500 mlပုလင်းနဲ့ ၃ ပုလင်းလောက်ရတယ်၊ ကိုကြီးကျောက်ဗိုက်ထဲကရေတွေ မကျန်အောင် သူနာပြုအကူလေးတွေက ဗိုက်တခုလုံးလျှောက်ညှစ်ကြတော့ ကိုကြီးကျောက်မှာ အလန့်တကြားအော်လိုက်ရတာ၊ သူတို့ညှစ်တဲ့နေရာက ဆီးအိမ်နေရာဆိုတော့ သေးထွက်ကျတော့မယ်လေ..
အဲဒီနောက်တော့ ကိုကြီးကျောက်ကို အခန်းတခုထဲ ခေါ်သွားတယ်၊ အဲဒီအခန်းထဲမှာ ပုံထဲကလို အဝိုင်းကြီးရှိသဗျ၊ ကိုကြီးကျောက်က အဲဒါကြီးကို ဓါတ်ပုံတွေ ဓါတ်ရှင်တွေထဲမှာတော့ မြင်ဖူးပါရဲ့ ဘာကြီးမှန်းတော့ မသိဘူး၊ အမလေး...အဲဒါကြီးထည့်ပြီး မွှေပစ်လိုက်မှာလား..ရင်တဖိုဖိုနဲ့ပေါ့၊ ကိုကြီးကျောက်ရဲ့ဗိုက်ကို သေချာထုပ်ပတ်ပြီးတော့ ဗိုက်ကို အဝိုင်းကြီးလှည့်ကြည့်တာ တခါကြည့် တမိနစ်နဲ့ ၃ခါလောက်ကြည့်ပြီးတော့ ကိုကြီးကျောက်ကို လူနာခန်းပို့လိုက်တယ်၊လူနာခန်းထဲရောက်တော့ သူနာပြုလေးတွေက တော်ရှာပါပေတယ်၊ လုပ်တာကိုင်တာကလဲ စနစ်ကျ၊ သူတို့လာချိန်မှာ ဆေးတွန်းလှည်းပေါ်မှာ မော်နီတာလေးနဲ့ scan ဖတ်တာလေးလဲပါတယ်၊ ကိုကြီးကျောက်လက်မှာပတ်ထားတဲ့ ဘားကုတ်လေး scan ဖတ်လိုက်တာနဲ့ ကိုကြီးကျောက်ကို တိုက်ရမဲ့ဆေး၊ အခြေအနေတွေ မော်နီတာမှာတန်းပေါ်လာတာပဲ၊ ဆေးကိုလဲသူတို့ကိုယ်တိုင် သေချာတိုက်တယ်၊ မသောက်ပဲနေမှာစိုးလို့၊ ကိုကြီးကျောက်ဗမာပြည်မှာ ဆေးရုံတက်တုန်းကတော့ ဆေးရုံက ရေးပေးတဲ့ ဆေးစာထဲမှာ ဆိုင်တာတွေရော မဆိုင်တာတွေရော ဝယ်လိုက်ရတာ ဆေးရုံကလဲ ဆင်းရောကြွပ်ကြွပ်အိပ်နဲ့ တထုပ်ဆေးတွေပိုနေတာ၊
နောက်နေ့ကျ ဆရာဝန်က ကိုကြီးကျောက်ရဲ့ ရောဂါအခြေအနေကို လာပြောတယ်၊ ကိုကြီးကျောက်ဟာ ဟိုး...တချိန်က အသဲယောင်အသားဝါဖြစ်ခဲ့တာကြောင့် ကိုကြီးကျောက်အသဲမှာ အမာရွတ်တွေ ဒဏ်ရာတွေရှိသတဲ့..၊ ဪ........ကိုကြီးကျောက်အသဲမှာ ဒဏ်ရာတွေနဲ့ဆိုပါလား........၊ အင်း....ကိုကြီးကျောက်မှာ ဗမာပြည်နေတုန်းက field ထဲမှာဖြစ်သလို နေခဲ့ရစားခဲ့ရတော့ ငှက်ဖျားတို့ အသားဝါတို့ဆိုတာ ထမင်းစားရေသောက်လိုပါပဲ၊ ဆေးကုသရေးကလဲ အာနိသင်ညံ့ဖျင်းလှတဲ့ တရုပ်ဆေးတွေနဲ့ ဖြစ်သလိုကုခဲ့ရတာကိုး၊ ကိုကြီးကျောက်တို့ ဗမာပြည်အစိုးရရဲ့ ပြည်သူလူထုအပေါ် ကျန်းမာရေးစောင့်ရှောက်မှုညံ့ဖျင်းလိုက်ပုံ များကတော့ စောင့်ရှောက်မှုကောင်းလှတဲ့ နိုင်ငံတွေမှာနေမှပဲ သိတော့တာပဲ၊
သတင်းစာတွေမှာတော့ ရေးပါရဲ့ ကုတင်ဘယ်နှစ်ရာဆန့် ဆေးရုံကြီးပေါ့လေ..၊ ကုတင်တွေဆန့်အောင် အတင်းထိုးထဲ့ရလို့နဲ့ တူပါရဲ့ ဆေးပစ္စည်းတွေ၊ ကုသမှုပိုင်းဆိုင်ရာပစ္စည်းတွေ ဆန့်ပုံမရတော့ ဆေးရုံတွေမှာ ဘာဆိုဘာမှမရှိပါဘူး၊ ကိုကြီးကျောက်အခု ရောက်နေတဲ့မြို့လေးဆိုရင် သေးသေးလေးပေမဲ့ နယူးယောက်လို ချီကာဂိုလို မြို့ကြီးတွေမှာလို တန်းတူဆေးကုသခံလို့ရတယ်၊ ဗမာပြည်မှာတော့ ရန်ကုန်၊မန္တလေးလို မြို့ကြီးတွေကို အရေးကြီး ကြီးသလို ပြေးရတာကလား၊ မသွားနိုင်လို့သေကြရတာတွေလဲ ကိုကြီးကျောက်တွေ့ဖူးတာပေါ့၊
ကိုကြီးကျောက်ဆေးရုံမှာဆေးကုသ စားရိတ်က ဒေါ်လာတသောင်းနီးပါး ကျပါရောလား၊ ကိုကြီးကျောက်က shellဓါတ်ဆီဆိုင်က အလုပ်ထွက်လိုက်ပြီဆိုတော့ ဆေးကုသမှုအာမခံကလဲ သက်တန်းလွန်သွားပြီ၊ ကိုကြီးကျောက်ရဲ့ ဘဏ်ငွေစာရင်းမှာလဲ ဘယ်မှာ ဒေါ်လာတသောင်းရှိပါ့မလဲ..၊ဒါပေမဲ့ မပူပါနဲ့.. ကိုကြီးကျောက်အတွက် အမေရိကန်ပြည်ထောင်စုအစိုးရက medicaidဆိုပြီး အခမဲ့ဆေးကုသခွင့်ပေးထားတယ်၊ ငွေကြေးလှူဒါန်းကြတဲ့ အလှူရှင်အဖွဲ့အစည်းတွေလဲရှိတော့ ဘယ်လိုလူနာလာလာ ဆေးရုံတွေက အဆင်သင့်ကုပေးကြတာပေါ့၊ ဗမာပြည်မှာတုန်းကတော့ လူနာရှင်က ပိုက်ဆံလိုက်ရှာနေလို့ လူနာကို ဆေးရုံမှာ ပေးမတင်သေးပဲ ထားတော့ဆေးရုံသမန်တလင်းမှာ လူနာခမြာ ဆန့်ငင်ဆန့်ငင် အသက်ငင်နေတာလဲ တွေ့ခဲ့ဖူးပါ့ဗျာ၊
ကိုင်း....ကိုကြီးကျောက် ဆေးရုံကဆင်းပြီမို့ ကျန်းမာပကတိ ကောင်းစွာရှိပါပြီဗျာ၊ နားနားနေနေ အေးအေးဆေးဆေး စာတွေဆက်ရေးပါဦးမယ်၊ ကိုယ့်ကျန်းမာရေးအတွက် ၉၆ပါးရောဂါကို လျက်ဆားလျက်ပြီး ကိုယ့်ဖာသာစောင့်ရှောက်နေကြတဲ့ မြန်မာပြည်သူပြည်သားများ ကျန်းမာကြပါစေ၊ ဘလော့ဂါညီငယ်နှမငယ်များ ကျန်းမာချမ်းသာကြပါစေ။
ကိုသက်တန့်၊ မအယ်၊ မယ်ကိ တို့ရေ ကိုကြီးကျောက် အခု Spirolactone 50 mg ကို တနေ့ ၂ကြိမ်၊ Furosemide 40 mg တကြိမ် ၊တလသောက်ရမယ်၊ ပြီးရင် medical check up ပြန်လုပ်ရမှာပေါ့၊ ကိုကြီးကျောက် ကို အစားအသောက်အနေထိုင် အကြံပေးကြပါဦး၊
